صوتك حبيبي

ياحلو صوته على فكة الريق
في جو هادي والجسم بكسوله

افتح عيوني وترجع بتطبيق
ماودها تصحى من اللي يقوله

اهمس حبيبي وحرق القلب تحريق
اشواق قلبي جات يمك عجوله

تسابق انفاسي وكلها تشافيق
متشفقه توصل بأخذ البطوله

يازين غيرته ولا بدى يسوى تحقيق
من كلمك؟ومع من طلعت؟ ومنو له؟

وابدى اسوي اني والله ما اطيق
احد يسئلني ويسوي تحقيق

لأني احب اعصبه لحد ما يضيق
ثم ابدى انا ارضيه واخذ حموله

واجاوبه واريحه في التحاقيق
واعطيه يومي بعرضه وطوله

ويقول هوايل,,بصوت يسيح ترويق
دايم تعصبيني يا قلبي وشوله؟؟

مايدري اني اعشق الحب في الضيق
واحب ازعله ثم ارضي ميوله

احب انبش قلبه بكل تدقيق
واعيش لحظاته واربع فصوله

يحقلي مدامه بقلبي عشيق
اني افر واسوي كل يوم جوله

مما راق لي

ارق التحيه للجميع

حزين القلب بدونكـ