تعبت من السهر والسهر هم تعبان
گلي شوكت يخلص ياترف ليلك
شعلت النار بيــه وجيت أطفي النار
رجعت أنته إشعلتها تريد أضوّيلك
عشقتك لاتذلني . إحسبها زين أرجوك
ماريد آني أظل لوحدي أضحيلك
ماريد أبني لأجلك كعبة جوّه الروح
أخاف أبنيها تالي تهد عليّ فيلك
ألوليلك چنت وبقلبي أنومك دوم
ومن تبچي إصِبْعي يصير منديلك
عضيت أنته إصبعي أمسح دمعتك بيش
وقليبي **رته إبيش ألوليلك
أضحكك وأبچي لأجلك وأعطش وأرويك
وأهدم حيلي بيدي لو رگد حيلك
قتلك هاك جدمي تعينك بممشاك
لوأنطيني لشـّـتك وآني المشيلك
وأخذت جدامي أنت توصلك للريل
لكن شفتك تذبهن تحت ريلك
أحترق قلب القطار وشفته ذبّ دخـّـان
من داس إعلى رجلي وصاح : ياويلك
سحقها قبالك وشفتك علي صديت
موخوفاً عليّ رايدني أشكيلك
لكن ماشكيت متاني بس تعود
بس أرجع . تعال . برمشي أسريلك
وأذا دمعي حرق رمشي وبعد ميفيد
فدوّه ولايهمك عود أحبيلك
موضوع: عشقتك لاتذلني 
27/1/2010, 16:11
