يــــوم قلت العمر ضيعته عـــشـانك
ابـتـسـمـت وقــلـت لي الليــلة تـمــــر
أحـسـبـك بتـــعـوض الباقي بحنانك
اثــــر قــلـبـك في غــــــروره مـستمـر
مدري هي غلطتك او غلطة زمانك
يـــــــوم مــا عـلـمـك وش مـعنى عـمر
كنت احبك وكان همي رفع شــانك
قلبك أســقـيتــه شهـد وشــــربت مــــر
وكنت أقــودك للفرح و أطلق عنانك
واعـــزف اجــــراحـي لجل يحلا السمـر
ولك وضعت العمر في واحـة جنانك
شــــاك جسمي لجـل يـهـديـك الــثــمــر
كـــــــــــــل هذا ولا وجد قلبي امانك
خلتك الدنيا الوسيعة وخلتني بعينك مـمـر
كــــــان قصدك دمعتي التقدير خانك
صـعـب من مثـلي دمـــوعـــــه تـنـهـــمــر
موضوع: غلطة زمانك 
28/3/2011, 03:16
