اربد
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

اربد

منتدى معلومات عامة
 
صفحة الاعلاناتالمنشوراتالرئيسيةأحدث الصورالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

 

 اعترافات آخر ملوك الطوائف .. عمرو حسني

اذهب الى الأسفل 
2 مشترك
كاتب الموضوعرسالة
Jasmine collar

Jasmine collar



اعترافات آخر ملوك الطوائف .. عمرو حسني Empty
مُساهمةموضوع: اعترافات آخر ملوك الطوائف .. عمرو حسني   اعترافات آخر ملوك الطوائف .. عمرو حسني Icon-new-badge12/3/2011, 22:56



آخر ملوك الأندلس أدلى بحديث مسموع
قال للمذيعه ياريت مُلكى يعود أسبوع
أنا كنت احقق ف البلاد العدل والمساواه
ولا اخلى ناقه تشتكى سوء بختها لله
وأخلى سيف القانون لامع كسهم البرق
ينزل على الملعون ، على مستغل الخلق
وبكى بدمع ذليل وقال بقلب تعيس :
أنا اللى ضاع منه الوطن ف العُهر والتهليس


آخر ملوك الأندلس أدلى بحديث مكتوب
قال لو عرفت مصيرى كنت جايز اتوب
أو كان نصحنى وزيرى وقلبى بات مرعوب
ما كانش بان تقصيرى فى شئون الحكم
اللى رميتها لعصابه عُور وصُم وبُكم
ولا كان يبات ف المملكه مظلوم ولا جوعان
ولا كنت اسيب الشجر عريان بلون بهتان
بس الندم ياللأسف توأم لكل مهان


آخر ملوك الطوائف ع الهوا مذلول
كوّم دنانيره اللى سارقها ف تل مهول
وقعد مدلدل عليها يندب اللى جناه
ومد إيده بيشحت عطف من رعاياه
كان عنده فرصه يآخى ما بين هلال وصليب
لكنه ساوى المظلومين على مكنة التعذيب
اللى يعارض فيه .. بيلبسه الخوازيق
وينام على أغانيه .. وكأنه طفل برىء
يهشكوه ف المهد
يحلم بعرش المجد
ونسى وصية جده اللى طواه الموت
اللى ارتفع صقر هايم وحده ف الملكوت
جده اللى كان النصارى ف زمنه بيحبوه
إيده طهوره ووقت الحق يسجن ابوه
طالع لمين انت عديم الإنسانيه كئيب؟
أسلافك الموتى ينادولك ف بهو القصر
متعلقين بحبالك الدايبه ..
متسلسلين بالقهر
لابسين دروع كالحه ومصديه
وكأنهم أشباح من الفرسان ف دوريه
هجروا ظلام النعش
الريح تمرجح فى سلاسلهم
وسيوفهم التلمانه ما بتلمعش
واقفين ف صف مهيب
وعيون جماجمهم تبص عليك
تهمس بحزن رهيب :
ضيعت تاج المملكه ف الهلس والأكاذيب
ودا مش غريب
على طفل متربى ف إيوان الحريم
راضع حليب .. جاريه خُلاسيه
وأمه طول لياليها مرميه
تستحلب المتعه الحرام
فى حضن عشاقها الغجر
على فراش ملك البلاد
والدك .. سليل العز والإمجاد
اللى وقع مشلول
من فحش أخلاقها
إنت ابن ابوك والا ابن عشاقها؟!
مش انت برضه اللى رميت الصولجان ..
للقوادين وموامس الأسبان؟
علشان يهشوا ف المراعى بيه على الخرفان؟!
......
وتختفى الأشباح ف جوف لياليك
لكن نواحهم للأبد أصداءه تلعن فيك :

يا حىّ مات واندفن
خساره فيك الكفن!
.............

حنحكى ايه والا ايه؟
أيام زمان فى عز جبروتك
كان الشيطان يركبك زى الفرس ف الريح
ويلف بيك المملكه يقصف رقاب ويطيح
واللى يعارضك تعمله عبره لرجال وشباب
دلوقتى جيش فرناندو رابضلك على الأبواب
خلى شيطانك ينفعك أصله البعيد كداب
وسوس إليك تفترى وسابك كسير الناب
سابك رهين الخوف معكوك ف ميت ذِله
وفرناندو راح يأسرك .. بهلول لإيزابيلا


ويغنى صوت الشعب .. مع كورس الأشباح :

ضيعت تاج المملكه وضيعتنا وياك
يا هلترى لينا أمل فى حد تانى سواك؟
غير اللى بيسبل عينيه ، ويقول لنا : أهواك؟!
واللى نيابُه بيلمعوا من حكة المسواك؟!


إحنا اللى ضيعنا القرون نحلم بحاكم عدل
وف مره يطلع مستبد .. وعشره يطلع ندل
وكل واحد جالنا كان .. معيوب وفيه عله
وفرناندو على مر الزمان
بيلمكم فرحان
ويرصكم خصيان ..
بهاليل لإيزابيلا


(*) ملوك الطوائف هم الحكام الفاسدين لدويلات الأندلس التى اجتاحها جيش فرناندو ملك أرجوان وزوجته إيزابيلا ملكة قشتاله كسكين فى قالب زبد.

الرجوع الى أعلى الصفحة اذهب الى الأسفل
theredrose

theredrose



اعترافات آخر ملوك الطوائف .. عمرو حسني Empty
مُساهمةموضوع: رد: اعترافات آخر ملوك الطوائف .. عمرو حسني   اعترافات آخر ملوك الطوائف .. عمرو حسني Icon-new-badge13/3/2011, 00:41

يا الله شو سهل علينا نبيع اوطانا
الرجوع الى أعلى الصفحة اذهب الى الأسفل
Jasmine collar

Jasmine collar



اعترافات آخر ملوك الطوائف .. عمرو حسني Empty
مُساهمةموضوع: رد: اعترافات آخر ملوك الطوائف .. عمرو حسني   اعترافات آخر ملوك الطوائف .. عمرو حسني Icon-new-badge15/3/2011, 00:42

بنبيعها بأبخس الاثمان
الرجوع الى أعلى الصفحة اذهب الى الأسفل
 
اعترافات آخر ملوك الطوائف .. عمرو حسني
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اربد :: المنتدى العلمي :: ادب و شعر :: قسم الشعر و الخواطر-
انتقل الى: