من ملاحم الشعر البدوي

بديت بسم الله على كل ماصار
ياجابرن كصم العظام الصليبه
الله ياكاشف حسب كل قدار
انتا الكريم العالي المعتني به
كريدي يكردي العرب ليه قمار
ترا الجذوب الله يخيب نصيبه
من داركم لديارنا جيت سبار
وظن منت من حمايه العريبه
لايعمه ياكلب ياثور ياحمار
عرضت نفسك لزمول المنيبه
يعيون قطوا صيدته مرذ الفار
صيده ضعيف ولا يصيد الجذيبه
حنا الجبور ليه ضحى الكون صبار
وكل القبايل عارفيننا جليبه
جليبنا هداج ترا مابه انكار
جليب سلطان العرب يوم هي به
تسعين قربا وارداته وصدار
عدك على سيلا عريضا شعيبه
يما ذبحنا من جناجيح ومار
ويما ثنينا بالسنين الصعيبه
فرسان ترعه بذرهم شقر الاوبار
خوات هدله متعبين الحريبه
يدعاك منزلهم وره خشم سنجار
بيوت السخه نسل الجدود العريبه
تلقه مجالسهم تكل دوله اوزار
رجالهم ماتلتقي فيه ريبه
منهم محمد يضحى الكون ليه غار
محمد امين ابن ملحم شاع طيبه
قطاع راس الشاه في سيف بتار
يوم على بغداد صارت مصيبه

تقبل مروري و خالص تحياتي

اشكرك على مرورك المميز لك مني كل تحيه وتقدير