شعر ميكانيكي
قلبي قبل فرقاك ما ينقص الزيت **** واليوم أزيده في كل مشوار علبه
وفي هذا البيت أنا أجيز الشاعر فقد عبر عن حبه بصوره شعريه رائعه والقصيده عموما جيده:
يا ليتني في جيبك ريال مقطوع****يبقى معك ما يقبله اي دكان
وهذا مسوي فيها أحمد شوقي هو ووجهه :
ان لم تكن في كل الامور ذا عزيمة****فما عندك اليوم ماعند جدتي
وهذا ضايق من حبيبه بجد , الله لا يضيق علينا :
اضيق لي شفتك مع الناس مرتاح ****وارتاح لا ضاقت عليك الوسيعه
أنا لله وأنا إليه لراجعون حتى الموضه دخلت الغرام:
شريت لي ثوبٍ على شان لقياك **** والثوب راحت موضته ما لبسته
صوره شعريه أخرى تجسد الفكر لدى الشاعر:
أحزن على فرقاك مثل الوراعين**** لآ مروا الدكان وأسرع أبوهم
وهذا شاعر مازج الحضاره بالأصاله :
هات الذلول وهات قوطي سفن اب**** نغزي ديار القوم وناكل جلكسي
وهذا يعاني من مشكلة الإنشغال على الفاضي :
يامال فرقا العين كان ادفنوني ****وفارقت أنا الدنيا وانا عندي اشغال
وهذا آخذ مقلب بنفسه :
قالت أحبك قلت ماهي غريبه **** سيارتي كشخه وانا حيل مزيون
موضوع: من طرائف الشعر النبطي 
19/2/2011, 04:55
