عادي تموت شعوب من اجل حكام
وش عاد باقـي ياعـرب مأخسرنـاه
بغـداد راحـت وانتهـت بـعـد صــدام
واليوم تونـس تشتكـي الظلـم والاه
ظلـم الرئيـس اللـي غدرهـا ولا دام
وش حيلـة الـلـي مايكـفـر خطـايـاه
لأعـرش يبقـى لــه ولا ليـلـه يـنـام
والقـاهـره تبـكـي دمــوع المـعـانـاه
يوميـن صـارت عندهـم كنهـا عــام
هـذا مـع حسنـي وهـذا مــن اعــداه
والمشكله في الشعب لإطـاح ماقـام
وهـذا يبـي ينهـب وتفكيـرة أعـمـاه
مايـدري ان الشعـب لـلأرض خــدام
وأن جيـت للـسـودان يأكـبـر بـلـواه
مقسمـه صـارت إلــى عــدة أقـسـام
بالمختصـر يعنـي مخطـط وشفـنـاه
واضح ولايحتـاج توضيـح واحكـام
خـذ المـثـل لبـنـان حــزب الـمـوالاه
بينـه وحـزب الله هجـران وخـصـام
هـذا مـع أمريكـا وهــذا مــع الـشـاه
لعبـة مصالـح واضحـه عبـر لعـلام
ندري السبب ايـران فـي كـل ماجـاه
احيان احسه فارسي مو من الشـام
وما صار في صنعاء وكل ما رأيناه
إلا دلـيـل الظـلـم فــي حـكـم ظـــلام
الشعـب يشكـي قسـوة الظـلـم والاه
دام الرئيس وقبضتـه قبضـة إعـدام
وش عاد باقي ياعرب مـا خسرنـاه
عادي خسرنا شعوب من أجل حكام
موضوع: عادي تموت شعوب من اجل حكام 
4/2/2011, 08:20
