الامير خالد بن سعود بقصيده دفاعا عن السيده عائشه "رضي الله عنها"

الامير خالد بن سعود بقصيده دفاعا عن السيده عائشه "رضي الله عنها"



بسم الله ألجا والتجي مـن عَنَتهـا قصيدةٍ في خاطـري سيرهـا سـار

وادعيه يعفو عـن سِبَايـ لِتَتْهـا ضعفي وتقصيري وجهلـي والاوزار

وارجوه يلهمني ويحسـن صفتْهـا ياعلّها تحمي عظامـي مـن النـار

كتبتـهـا لله ونفـسـي دعتْـهـا ما نيب راجي غيـر راحـم وغَفَّـار

وقلبي على عُوج المحانـي نَحتْهـا حَميّةٍ للديـن فـي وجـه الاشـرار

حبكتـهـا والله علـيـم إبّختْـهـا وارجي من الله ما ترجـاه الانصـار

بادفع بهـا عـن أُمنـا والْحَمتْهـا حبيبـة المختـار كريمـة الـبـار

الزاكيـة والطاهـرة ذي سِمَتْـهـا وَالطّهْرْما يِنْكَر على بنت الاطهـار

الساميـة و العالمـةمـا ثنتْـهـا عزيمةٍ هَزْلَه عـن العلـم بِاصـرار

كم مـن أحاديـثٍ صْحَـاحٍ روتْهـا عن احمد المعصوم تبشيـر وانـذار

مـن النّبـيّ المصطفـى حافظتْهـا لولا حصَافَة رايهـا راحـت إهـدار

زوجـة رسـول الله نفسـي فدَتْهـا ونفسي فِدَتْ من قبلها سِيد الابـرار

يالله عسى مـن سَبّهـا او بَهَتْهـا ما يرحمه ربي مـن النـار والعـار

تِهْمَـة مْنافـق قالهـا وانشرتْهـا بعض القلوب اللي كلاها الحسد نار

يالله تاخـذ كـل نفـسٍ هوَتْـهـا ويالله تلعن من نشرهـا بالامصـار

شـرارةٍ طغْمَـة كُـفُـرْ ولّعَتْـهـا والله طفاهـا طَفْيَـة المـاي للنـار

ياللي فِرحْتْ إبهـا ونفسـك بَغتْهـا لا تفرح إنّه صـار والله مـا صـار

شِفْ "سورة النور" الكريمـة نِفْتهـا فيهـا براءتهـا تجلّـت للانـظـار

إن كنت مؤمن صدق للـي حوتهـا وانْ كنت مِنْكِر فانت فاجـر وكَفّـار

تَكْفِي براءتهـا مـن الحـق جَتْهـا المنعـم الوهََّـاب عـلاّم الاسـرار

ويكفيك يا مـن بالمعايـب نعتْهـا كلام من بِيـده تصاريـف الاقـدار

يالله عسـى نـاسٍ ودارٍ رمتْـهـا بالكذب والبهتـان تَخـزي وتِنهـار

يرسل عليها الـرَّب سِخْـطٍ بَغتْهـا سِخْطْ السما والارض ووساع الابحار

وتـذوق ذِلْ الـذلْ مِمَّـا جنتْـهـا حتى تتوب او تِنْخسف خَسْفْ جَبّـار

يا سامع إذهـن كلمتـي واثمَرتْهـا انقـذ حياتـك قبـل الايـام تنـدار

بعض المراجـع والعمايـم خذتهـا دنياك وَيّا ابليس في عين الاعصـار

قارنْ وشَاورْ نفسـك اللـي غوتْهـا روسٍ تعممْ ما لها عقـل وابصـار

درب الغوايـة والهـوى تَوّهتْـهـا وَاوساخ دنيا سَوّدت سـود الافكـار

كَمْ حرّفت في الدين كِـذب وْعَمَتْهـا عن شرعها كِثر الجهالـة والاوزار

دامك مخَيّر فاختـر اللـي صِلَتْهـا بالمصطفـى أوثـق دلالـة وآثـار

عقيدة أهل البيت حَـقْ، ورضتهـا أُمة هَلْ التوحيد فـي كـل الاقطـار

وعلى الرسول الخَتْمْ فـي خاتمتْهـا صلاةٍ أزكى مـن هماليـل الامطـار

رضي الله عنها يسلمو ام ادم

ام ادم بعثتلك طلب صداقه ممكن تردي عليه