المستهلك» تدعو الى استيراد البندورة لخفض اسعارها

والله وعد التصدير سبب رئيسي في ارتفاع الخضروات

لا حول ولا قوة الا بالله وين ابناء البلد وين الانتماء والولاء لهاي البلد كان من تجار ولا من حكومه مرخيه الحبل عالاخر لشرذمه من الناس يتحكموا بمصير ملايين الانفس ويتحكموا بخيرات البلد وتصديرها ومو مشكله المواطن اكل ولا ما اكل الله لا يرده المهم انه حسابه بالبنك يزيد وكرشه يتدلى قدامه مترين وما همه اللي بيوخذ دنانير معدوده وزر بندوره او حبة خيار بتسد جوعه وبتسد ثمه يومين لقدام
هو المواطن بده يلحق على ايش ولا ايش
رفعوا سعر العلف يعني الحليب واللبن ومشتقاتهم رح تزيد واللحمه رح تصير بالمنوه (وشمه ولا تذوقه)
سعر الخيار والبندوره شاطت عالاخر (وينك يا سلطه) مالها سلطة العشب والحشيش والقش ما هي بالشوارع مليانه
استنوا كمان شوي فاتورة المي بدها اتصير شهريه وفتحة العداد مش اقل من خمس نيرات بدون الضريبه
انا لله ولنا اليه راجعون ولا حول ولا قوة الا بالله

يعني اخي نايف
المفروض يكون الية للتصدير في حال الزيادة عن الحاجة
يعني كيلو البندورة وصل دينار وربع
وهذا كثير على المواطن ولا ادري اين الراقبة والتنسيق للتصدير

والله يا اسمر النا الله امبارح رحت اشتري بندوره عندي ضيوف اضطريت اشتري شوية بندوره وبعد ما وزن بسأله بقديش بحكيلي بدينار ونص كيلو البندوره
كنا نشتري البكسه 8 كيلو باقل من نيره الله يرحمها من ايام

بعين الله اخي نايف وان شالله يتغير الحال للاحسن

وكما قلنا المتابعة اشي ضروري للمواطن
حتى يستطيع ان يعيش