سلامة مرارتك ياريس ....

موضوع: سلامة مرارتك ياريس .... 7/4/2010, 04:16

مرارتك يا ريس:
للشاعر: أحمد فؤاد نجم

سلامة مرارتك
يا فاقع مرارة مرات الفقير
فلا جوزها جايب
ولا الفقر تايب
ولا حتي سايب

مَيَّة في قُلة
ولا كوز في زير

سلامة مرارتك

سلامة مرارتك

مرارة العُـزاز
وإيه يعني إحنا

ما نِوْلع بجاز
إنتَ الحقيقة وإحنا المجاز
تفضلْ وييجي بدالنا البديل
شوية خباثة
وعوامل وراثة
نصبح بهايم ... ونصبح بديل
فتقدر ساعتها تنام مَلو عينك

ويعلى الشخير

سلامة مرارتك

سلامة مرارتك
سلامة المرارة
يا واقع علينا بسعر الخسارة
فلا فيه صناعة
ولا فيه تجارة
ولا فيه مدير
ولا فيه إدارة
ولا فيه وزارة تسيب الوزير

سلامة مرارتك

سلامة مرارتك
فداها المواطن
أبو قلب راطن كلام الهموم
فلا نفس راضية
ولا جتة فاضية
بلاوي وسموم
ولا علاج مداوي
مفيش غير حكاوي
بتاخد بإيدنا لآخر المصير

سلامة مرارتك

سلامة مرارتك
وألفين سلامة
يا سايب في كل المنازل علامة
مجاعة ... أنين ... كآبة ... ندامة
جهل وبطالة وعوالة وعيا
وفنون رخيصة وقِلِّة حيا
وهموم بتكتر ... وهموم تزيد
إنت في زيادة همومنا خبير

سلامة مرارتك

سلامة مرارتك يا ابو القد فارع
يا مالي عنينا بزبالة الشوارع
أمال بندفع ضرايب لمين
شمالك بتاخد ...
وواخدة اليمين
شكلك بتحلف علينا اليمين
ما تجعل في جيبنا قليل أو كتير

سلامة مرارتك

سلامة مرارتك
دي واخدة الحصانة
بنشقى وتاكل علينا شقانا
لا خلِّيت أمامنا ولا فيه ورانا
ضرايب ... عوايد ... فاتورة ... رسوم
ننام بالفاتورة
وبيها نقوم
على البصَّة ندفع فاتورة لعِنينا
ولو نعمى ندفع فاتورة ضرير

سلامة مرارتك

سلامة مرارتك يا صاحب الهمم
بخطبة بنطلع لأعلى قمم
وننزل على جدورنا بين الرمم
على الوهم ياما وياما بنينا
أوامر تجيبنا
أوامر تجينا
على خطوة واحدة في محلك نسير

سلامة مرارتك

سلامة مرارتك
إحنا فداها
تفرقع مرارتك
نفرقع وراها
حالنا بدونك عمره ما ماشي
إحنا بدونك شوية مواشي
من غير راعيها ... ومن غير كبير
سلامة مرارتك

موضوع: رد: سلامة مرارتك ياريس .... 7/4/2010, 04:19

ههههههههههههههههه
روعه

موضوع: رد: سلامة مرارتك ياريس .... 7/4/2010, 04:21

سلامة مرارته بس مين فقعها وهو فقع كل مرارات العالم
ابدعت

موضوع: رد: سلامة مرارتك ياريس .... 15/9/2010, 15:57

ههههه الها قصه هاي الخاطره ...
منورين

موضوع: رد: سلامة مرارتك ياريس .... 15/9/2010, 16:00

يسلموا تامر

موضوع: رد: سلامة مرارتك ياريس .... 15/9/2010, 16:04

والله رائعه هادي الخاطره

يسلمو اديك

موضوع: رد: سلامة مرارتك ياريس .... 15/9/2010, 16:06

Free Butterfly كتب:: والله رائعه هادي الخاطره

يسلمو اديك

الله يسلمك يارب من كل شر

موضوع: رد: سلامة مرارتك ياريس .... 15/9/2010, 16:09

ام ادم كتب:: يسلموا تامر

الله يسلمك ام ادم منوره

موضوع: رد: سلامة مرارتك ياريس .... 15/9/2010, 17:01

بحب جرأته أحمد فؤاد نجم ومرات بتحسه خرفن بس رهيب وانتقاده بعجبني

موضوع: رد: سلامة مرارتك ياريس .... 15/9/2010, 21:27

جميلة انشالله تفقع مرارة العدوّين

موضوع: رد: سلامة مرارتك ياريس .... 15/9/2010, 21:46

مشكورين ع المرور وعد وكلام

موضوع: رد: سلامة مرارتك ياريس .... 15/9/2010, 22:00

مصر يا امّة يا بهية
يام طرحة و جلابية
الزمن شاب و انتي شابة
هو رايح و انتي جاية
جايه فوق الصعب ماشية
فات عليكي ليل و مية
و احتمالك هو هو
و ابتسامتك هي هي
تضحكي للصبح يصبح
بعد ليلة و مغربية
تطلع الشمس تلاقيكي
معجبانية و صبية
يا بهية

موضوع: رد: سلامة مرارتك ياريس .... 15/9/2010, 22:03

تعيش مصر حره ابيه

موضوع: رد: سلامة مرارتك ياريس .... 15/9/2010, 22:06

يعيش الوطن العربي كله

بس للاسف بعيش بذل

موضوع: رد: سلامة مرارتك ياريس .... 15/9/2010, 22:08

بذل مزبوط بعين الله

موضوع: رد: سلامة مرارتك ياريس .... 15/9/2010, 22:10

ربنا ما بساعد انسان كسول حتى عن التفكيررررررررررررررررر

» صور وفيديو جنازة سلامة أحمد سلامة , صور تشييع جثمان سلامة أحمد سلامة , صور جنازة الصحفى سلامة أحمد سلامة, اسباب وتفاصيل وفاة سلامة أحمد سلامة
» مقال الطريق الى الفوضى سلامة أحمد سلامة , آخر مقالات سلامة أحمد سلامة
» من هو عبد الناصر سلامة رئيس تحرير جريدة الاهرام, السيرة الذاتية عبد الناصر سلامة , صور عبد الناصر سلامة ,ويكيبيديا عبد الناصر سلامة
» من هو سلامة كيلة, السيرة الذاتية سلامة كيلة, ويكيبيديا سلامة كيلة, صور سلامة كيلة
» صور وفيديو جنازة محمد يسرى سلامة اليوم 2013 , صور تشييع جثمان محمد يسرى سلامة , صور صلاة الميت الجنازة على جثمان الدكتور محمد يسرى سلامة