اشياء عن الاردن بس لاتزعل اوك

سألوا أردني : ليش دايما انت و شعبك مكشرين و ما بتضحكوا؟؟؟

فجاوب و قال: اسمع يا زلمة
و عدد الاسباب التالية:
1- بحرنا ميت ....
2- وادينا ... وادي اليابس
3- خليجنا ... عقبه
4- رمزنا سوسنة سوداء ..
5- مطربنا المفضل ... متعب السقار ..... اسمه متعب من الله
6- من اسماءنا الاصيله( متعب ، مهاوش ، زعل ، حرب ، )
7- مرات بندلع اولادنا ( يا غضيب)
8- اربع مرات بسنه وحده فقعتنا الحكومة رفع أسعار المحروقات ... حتى القداحه ام الشلن صارت بربع ليره

طبيعي انه نكشر ....
9- أكبر نسبة مدخنين بالشرق الاوسط عنا .. الولد من يخش اول عدادي بيبلش تعفيط
مين بالدنيا كلها بيدخن ملوخيه الا بالاردن ....
10- مصطلح " الشرر بقدح من عيوني " شائع في الاردن فقط
11- اول مزحه بنعلمها لاولادنا " هسا بضربك بوكس بطيارة الفكس .. وفي بعض الروايات الغريبه عالقدس
12- " اطلع من راسي لا أقطعه " ول ول ول ... بدهاش تعليق هاي
13- التار ولا العار يا هريدي ... آسف هاي مش عنا .. شردت شوي
14- لما نفرح ..... بنطخ ... الناس بتولع شمع ... بتغني ... بترقص ... احنا بنطخ
15- من اشهر اغانينا الشعبيه ( اظرب اظرب لا تظرب يا رمان .. كسرت الخيزرانه مالك زعلان ) ...
بلشناها بظرب وختمناها بظرب

16- من اغانينا ايضا ... يا ويل لاللي نحاربه ... بالسيف نقطع شاربه ... " يا لطيف الطف "
17- حتى طبختنا .... مقلوبه
18- حتى الخروف اللي راسه عالمنسف بتحسه مكشر بخلقتك

و ما بدك ايانا نكشر

هههههههههههههههههههههههههههههههههههههههههه

يسعد رب الاردن وحكيهم وكشرتهم

ههههههههههههههههه ومن اغانينا ويلك يلي تعادينا ياويلك ويل والمنسف (من نسف)اكلتنا الرئيسية والهوشات اللي بتبلش بالمجاحرة مش موجودة غير عندنا بالاردن والحكومة مش مقصرة مع الشعب ابداا (حيشاها)

ودكوا ما نكشر

بس مع ذلك بنرجع بنقول اردني و شماغي دليلي وكشرتي احلى من ضحكة غيري

يسلمووو ياغالية على الموضوع اللي بعزز الكشرة عنا

يوسف علاوي كتب:: هههههههههههههههههههههههههههههههههههههههههه

يسعد رب الاردن وحكيهم وكشرتهم

ويسعد رب الاردن وسما الاردن لاجلك

majdcs كتب:: ههههههههههههههههه ومن اغانينا ويلك يلي تعادينا ياويلك ويل والمنسف (من نسف)اكلتنا الرئيسية والهوشات اللي بتبلش بالمجاحرة مش موجودة غير عندنا بالاردن والحكومة مش مقصرة مع الشعب ابداا (حيشاها)

ودكوا ما نكشر

بس مع ذلك بنرجع بنقول اردني و شماغي دليلي وكشرتي احلى من ضحكة غيري

يسلمووو ياغالية على الموضوع اللي بعزز الكشرة عنا

ههههههههههههه اضافة رائعة يا غالية بس والله ما في اغلى من الاردن وتراب الاردن بس لو يضحكو شوي