الحب القاتل

موضوع: الحب القاتل 4/9/2009, 21:27

[b]الشعـر لـه فاتـل وناقـض وفـاروق

والسـوق لـه سايـم وشـاري وبايـع

واللي ربـح ببضاعتـه يمـدح السـوق

والنـاس تطلـب نـادرات البضـايـع

يا مدوّر الطيـب تخيّـر علـى الـذوق

وأحفظ معك من قـول فـارس ودايـع

لو كـان بالإرشـاد والنصـح مسبـوق

ذكـرى لعـل لهـا تــرق السمـايـع

جواهرٍ معهـا شـذى المسـك مرفـوق

ومعهـا التجـارب مثبـتـه بالوقـايـع

واللي لبس من جوهر المرجلـه طـوق

مثلـي مجـرّب والتـجـارب نفـايـع

سافرت لي طرقه وطبيـت لـي سـوق

وخاويت فـي دربـي جميـع النزايـع

والله خلـق فالنـاس ميـزات وفـروق

النـاس شـتـى بالشـيـم والطبـايـع

أحـدٍ علـى مبـدأ ولـه نظـرةٍ فـوق

وأحـدٍ كمـا ثلـجٍ علـى القـاع مايـع

ولاني وكيـل آدم علـى كـل مخلـوق

لكـن أشـوف بخلـق ربـي نـوايـع

أشفق على الطيب ولـي رفقتـه شـوق

غريـب وإلا مـن قـريـب الجمـايـع

وراع الردى من دونـه البـاب مغلـوق

بينـي وبيـن أهـل السفالـه قطـايـع

للطيب وأهل الطيب عاشـق ومعشـوق

والطيـب لـه مبـدأ وحكـم وشرايـع

والمرجله وهبـه مـن الـرب ووفـوق

والديـن رأس المرجـلـه والطمـايـع

والرزق من ربي وله فـرض وحقـوق

ومن يطلب أرزاقه مـن الخلـق ضايـع

والأخـذ بالأسبـاب ثابـت ومـوثـوق

وتوفيـق ربـي هـو خيـار الـذرايـع

ولا كـل مطـرودٍ كمـا قيـل ملحـوق

قـولٍ مبالـغ فيـه لـو كـان شـايـع

إن ما جلبهـا والـي العـرش برفـوق

كثـر المطـارد مـا يحـوش النفـايـع

ومن يحسن النيه مـع النـاس مـرزوق

ومـن يتقـي ربـه دروبــه سنـايـع

والكـذب ثـوبٍ مايجمَّـل ومشـقـوق

ولا ينرفـي شقـه بكـثـر الرقـايـع

ومن لا يحـط أسـرار قلبـه بصنـدوق

ويجـوَّد المفتـاح عـن كـل صـايـع

يفتح علـى نفسـه مداخـل وخـازوق

وقناصـة الفرصـه تـزيـد الجـلايـع

ومن يقـرب الأنـذال لا يامـن البـوق

النـذل خايـن مـا يصـون الـودايـع

عقـرب ثـرى وإلا كمـا نـاب زاروق

لا صـادف الغـرات للـسـم زايــع

وأحـذر تـرى النمـام للشـر ناتـوق

دايــم يـقـرَّب للـشـرار الـولايـع

من المكـارم خـارب القصـد مسلـوق

وعقلـه لنزغـات الشياطـيـن طـايـع

وترى الردي شمعٍ على الحيط ملـزوق

لا أونس حميم الشمـس جـاك متمايـع

أحذف ردي المعرفـة حـذف خملـوق

لا تنـخـدع بالزبـرقـه واللـمـايـع

عليـك بالطيـب ليـا صـرت مزنـوق

اللـي فعـولـه ***وهــا روايــع

يشيل عنـك مـن الصعيبـات طـاروق

ولا يلحـق المنـه جمـيـل الصنـايـع

لامن عن الواجـب هبـا كـل مزلـوق

يقـوم بالـواجـب بعـيـد الرمـايـع

والشارب اللي ساعة الضيـق محلـوق

وقت الرخاء ما أحـدٍ يبـي لـه فزايـع

خله ولو شفته علـى الوجـه مصفـوق

ولا تستشـيـر مجالسـيـن الربـايـع

وإن كان في صدرك قنا الوقت مـزروق

خلـك علـى الشـده قــوي البتـايـع

واضرب على الكايد ولا يلحقـك عـوق

وأطلـع سنـود وخيـرمـولاك لايــع

والشمس لو غابت يجي صبح وشـروق

والحق لـه صيـتٍ مـع النـاس ذايـع

يقدم عزيز السـاس لـو كـان مفهـوق

ويأخـذ عظيمـات المراجـل قـلايـع

وأبليـس أخـو مـره مربَّـط ومفلـوق

وفـي كـل يـوم يـزود حـر ولقايـع

نركي علـى كبـده مراقيـع وحـروق

وعـروق قلبـه مـن وحمنـا مـزايـع

وصلوا على الهادي عدد ما أرمش الموق

وعسى لنـا مـن جـود ربـي شفايـع [/b]

موضوع: رد: الحب القاتل 4/9/2009, 21:29

يسلمو

موضوع: رد: الحب القاتل 5/9/2009, 04:50

كلمات رائعه اخي العزيز فعلاً الناس لا تطلب الا نادرات البضائع وأحلاهن
لي كل الشرف ان اكون ممن انارو صفحتك بشموع الحب والتقدير والاحترام
اخوك
عاصم مصبح

موضوع: رد: الحب القاتل 5/9/2009, 05:53

فعلا كلمات رائعة
شكرا

موضوع: رد: الحب القاتل 5/9/2009, 07:20

مشكووووووور....

زائر

مشكور يا صديق

موضوع: رد: الحب القاتل 7/9/2009, 08:59

thanx kter >>

موضوع: رد: الحب القاتل 2/11/2009, 23:33

[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: الحب القاتل 15/6/2011, 03:39

الحب القاتل