اربد
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

اربد

منتدى معلومات عامة
 
صفحة الاعلاناتالمنشوراتالرئيسيةأحدث الصورالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

 

 استمتع بوجبة كنتاكي باليبت

اذهب الى الأسفل 
2 مشترك
كاتب الموضوعرسالة
اسمر66660

اسمر66660



استمتع بوجبة كنتاكي باليبت  Empty
مُساهمةموضوع: استمتع بوجبة كنتاكي باليبت    استمتع بوجبة كنتاكي باليبت  Icon-new-badge2/7/2010, 04:43

السلام عليكم ورحمة الله
كلنا او مو الكل بس انا وحده منهم من محبي الكنتاكي
وخاصه البوفيه المفتوح كلي زي ما بدك وشو ما بدك
المهم بلا طول سيره
من كثر ما بحب الدجاج القلي وسلطة الملفوف وخبز الكنتاكي
اعملت بحوووث كثيره ...... اللي بسمع بحكي بحت دكتوراه
المووووهم هي نتائح بحوثي المجربه على اهلي وعلى زوجي وبشهادتهم
انها بتغنيهم عن روحت المطعم
اليكم الطريقه معلش دوشتكم بقصة حياتي

اول شي واهم شي الدجاج
اللي رح نعملو هو والسلطه قبل بيوم عشان الطعم ثاني يوم يطلع جنااااان
بنقطعو وبنغسلو طبعااا الكميه زي ما بدكم حسب عائلتكم وحسب القطع اللي بتحبوها
ونيجي للنقع
بنحط
ليمونه معصوره
معلقة ملح
معلقة بهارات مشكله
معلقة رب بندوره
معلقتين من اللبن
اربع حبات ثوم مدقوقه
زيت زيتون ورق غار وشوية قرنفل
ينقع طول الليل او لحد ساعة الاستعمال طبعاا بالثلاجه

بعد ما تغسلي وتنضفي محل الدجاج نيجي للسلطه
الكميه كبيره بس انتي بتقدري تعملي النص
كاسه وثلث مايونيز
معلقتين سكر
معلقتين حليب
رشة ملح
ثمانية كاسات من الملفوف المقطع ومفروم
نصف كاسة جزر مبشور
رح نستعمل خلاط الكيك نخلط المقادير ما عدا الملفوف والجزر طبعاا
لحد ما ينجانس كل شي مع بعض بنحط الملفوف والجزر وبنحركهم بالملعقه
بنغطيهم بكيس بلاستيك وبنحطهم في الثلاجه
هلاء وقت الطبخ ثاني يوم على خير
بنجيب الدجاج المنقوع بنشيله من علبة النقع وبنحطه بالطحين وبعدين بالبيض
وبعدا يا طحين او بقسماط
ومن ثم القلي على نار هاديه بس لازم يكون الزيت حامي
بنخلي لحد ما يسوي ويتحمر ولا ننسى التقليب
هسه درو الخبز اللي هو البسكت زي ما بحكو لو
طريقتو كثير مريحه يعني وانتي تستني في الدجاج بتعملي وبتوكل نصه
في وعاء العجين بنجيب
كاستين طحين
رشة ملح خفيفه
معلقتين ونص بكنغ باودر
ثلث كاسه سمنه او زبده
ثلاث ارباع الكاسه او اكثر بشويه شنينه لبن اب
بنعجين كل المقادير مع بعض بنطول شويه بالعجين حتى تعطينا نتائج احسن
على سطح مرشوش طحين بنفرد العجينه وبنقطعها بكاسه دوائر
وبنخبزها دوغري ما بدها تحمر ولا شي
قبل الخبز بندهنها ببيضه مع شوية حليب بس للون
بنحمرها من تحت وفوق
رح تنفخ معنا ولما بنطلعها بندهنها بشوية زبده والخبز سخن

الرجوع الى أعلى الصفحة اذهب الى الأسفل
theredrose

theredrose



استمتع بوجبة كنتاكي باليبت  Empty
مُساهمةموضوع: رد: استمتع بوجبة كنتاكي باليبت    استمتع بوجبة كنتاكي باليبت  Icon-new-badge2/7/2010, 04:45

حاسه ما فيه داعي للمقدمة يا نبيل
يسلمو بس مبين عليها زاكية
الرجوع الى أعلى الصفحة اذهب الى الأسفل
اسمر66660

اسمر66660



استمتع بوجبة كنتاكي باليبت  Empty
مُساهمةموضوع: رد: استمتع بوجبة كنتاكي باليبت    استمتع بوجبة كنتاكي باليبت  Icon-new-badge2/7/2010, 05:07

ولا يهمك وعد المرة الجاي بدون مقدمات ولا تزعلي
وصحة وعافية
الرجوع الى أعلى الصفحة اذهب الى الأسفل
 
استمتع بوجبة كنتاكي باليبت
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اربد :: منتدى الاسرة :: ماكولات و حلويات :: اطباق رئيسية-
انتقل الى: