اربد

منتدى معلومات عامة
 
صفحة الاعلاناتالمنشوراتالرئيسيةبحـثالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

شاطر | 
 

 بعض النساء تجلب على بيتك الخيـر

اذهب الى الأسفل 
كاتب الموضوعرسالة
زائر
زائر



مُساهمةموضوع: بعض النساء تجلب على بيتك الخيـر   16/5/2010, 20:32

بعض النساء تجلب على بيتك الخيـر ** والبعض منهن لـك تجيـب النكـاده
والبعض منهن مثل وصف النواويـر ** ومع العقل والزيـن فيهـا الركـاده
والبعض منهن يستر الحـال تستيـر ** لوهي تعيش العمـر صبـر وجـلاده
والبعض منهن عقلها يـوزن النيـر ** ومعها على تـاج الرزانـه شهـاده
وبعضهن احلى من حليـب المغاتيـر ** واحلى من الطايـف ونفحـة بـراده
وفي مجتمعها تمشي ابحسـن تدبيـر ** عقـلٍٍ رزيـن وفـي حلاهـا زيـاده
وبعضهن اينومسك عنـد المساييـر ** والبْـن فالدلـه اتظـبـط اقـنـاده
وبعض اللسنتهن مثل وصف المناشير ** والبعض منهن طايـشٍٍ فـي عنـاده
والبعـض منهـن فكرهـا بالدنانيـر ** قشـرا وشوشتهـا سـواة العـراده
والبعض منهـن مايكـب المشاويـر ** وفيها التغطـرس والغبـاء والبـلاده
وهذي هي اللـي تستحـق البواكيـر ** حيـث انهـا للسـوق فيهـا عبـاده
والبعض منهن عايـشٍٍ دون تفكيـر ** وان شفتها منتـه ب ويـا السعـاده
وان رحت عنها ولعت فوقك اسعيـر ** وشنت عليك الحرب حـرب الابـاده
واللي ماصار اترهمه غصب ويصيـر ** ومـن جورهـا لازم تـزور العيـاده
والبعض منهن دايم اقدامهـا اتسيـر ** علـى امـهـا والام راس القـيـاده
وتنفـذ اللـي تسمعـه دون تاخيـر ** وترسم امخططهـا لفـرض السيـاده
واليا حصل من بينكم شـيٍٍ اصغيـر ** تفيـد منهـو ماطلبـهـا الافــاده
وتوافـي اهلهـا بـكـل التقـاريـر ** ليـن الرجـل يعـاف شربـه وزاده
واليـا ظربهـا كـف مالـه معاذيـر ** راحت هو ياكل عشاء البيـت سـاده
راحت طمـوح وبلشـوه العصافيـر ** ومن همهم حـارب منـام الوسـاده
وان جاء يرجعهـا عيونـه مطاييـر ** قالوا قبـل ترجـع تجيـب القـلاده
وسبحه من الأربش وأطقم أساويـر ** ومن جورهـن لا واعنـاه وهجـاده
وان كان ماانسابك ارجـالٍٍ مناعيـر ** هيجـن وهوبـل ياحيـاة الـقـراده
وارجو السموحه من جميع الغناديـر ** وهن الأصل منهـن للاقطـار سـاده
ومصنـع رياجيـلٍٍ تقـود الطوابيـر ** والحـرب تقـدح للمعـادي ازنـاده
والمعذره وان كان بالقـاف تقصيـر ** وماكل من يجهد نجح فـي اجتهـاده
وللكلمه الجزلـه زبـون وجماهيـر ** وقول بـلا حكمـه مافيـه استفـاده
والله يجعل لي مـن الذنـب تكفيـر ** يوم ان راع الـزرع يلقـا حصـاده
ويرسل على الانذال زلـزال كشميـر ** حتى الفلل تصبـح سـواة الرمـاده
الرجوع الى أعلى الصفحة اذهب الى الأسفل
remxx

avatar


مُساهمةموضوع: رد: بعض النساء تجلب على بيتك الخيـر   17/5/2010, 08:39

كلمات رائعه يسلمو
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: بعض النساء تجلب على بيتك الخيـر   17/5/2010, 16:48

تسلم يا قلبي انت الاروع يا عيوني
الرجوع الى أعلى الصفحة اذهب الى الأسفل
 
بعض النساء تجلب على بيتك الخيـر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اربد :: المنتدى العلمي :: ادب و شعر :: قسم الشعر و الخواطر-
انتقل الى: