اربد

منتدى معلومات عامة
 
صفحة الاعلاناتالرئيسيةبحـثالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

pubacademy.ace.st--!>
pubacademy.ace.st--!>

شاطر | 
 

 قاموس...تفسيري...للغة...اربد.(6) والاخير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ليمار__




مُساهمةموضوع: قاموس...تفسيري...للغة...اربد.(6) والاخير   21/4/2010, 01:38

بقرة مجيجبه = بقرة فلتانه = نص البلد بتركض وراها ومش قادرين يمسكوها

سنينوه = طير السنونو?? معقول ما بتعرفو

طرطب = هاظا زيت الزيتون البلدي لما يترسب الزيت بصير طبقه سودا في قاع التنكه هاظا هو الطرطب = تصفاية الزيت البلدي مش التونسي ابو سبع خصلات

مشصب = همممم يعني زي المخشب لما الواحد بشد على حالو و بشد كل عروق رقبته وبسكر ثمو بتطلع عروق رقبته لبره هاظا هو المشصب

زقم = ثم ألانسان

سنحك = سبعك

سبعك = أي دور إتخيب

دور أتخيب = إنعثر

إنعثر = شفللك زاويه

مهربج = مولع

مطروم = ملان

خاشوقه = معلقه

أيمع = بوظة

مرياع = الكبش اللذي يقود الغنم

قرقاع = الجرس المعلق برأس المرياع

شكوة = جلد الغنمة الذي يوضع داخله الحليب لعمل الشنينة بعد الخض المهلك

قرقاعة = الشكوة الكبيرة

عرَ = عر ورائه أي لحقة

مفنتش = منيع = عامل أيشي كثير = مخرب الدنيا

قراده = الحشرة اللي بتلزق على البقرة أو الغنمة وتمص دمها

متشفيه = وعاء من القصب لوضع الخبز أو الفواكه داخله

قبعة = المتشفيه الصغيرة لوضع البيض داخلها

حرزه = روث الغنم

حبَة "بضم الحاء و تشديد الباء": بوسة مثال: انطيني حبة او تعال تني احبك"

تني: تا اني بمعنى حتى اني

انطيني: اعطيني

ابن ليمن انته: و تدل على الملكية بمعنى ابن مين انت

غاد: هناك او بعد او ورا.. مثال: وين الفطبول? هيو غاد الماسورة

الفطبول: الطابة او الكرة

غاد الماسورة من جاي: جملة يستخدمها اهل اربد للتخوث..مثال: وين الفطبول? هيو غاد الماسورة من جاي

جاي: هون .. مثال: تعال جاي

مشتله: قطعة ارض زراعية صغيرة بنزرع فيها قثة و فقوس و حمص و جعابير

مراجدة: "من يتراجد" بمعنى رمي الحجارة على بعض..

زرف: "ظرف" بمعنى كيس بلاستيك

هسعيات: هالساعة "هسه او هسع" بمعنى الان او هلأ ,,,



جميع الحقوق محفوظة ل ............................ خليها بنفسك [ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة]


وهيك بكون خلصت ذمتي وبتمنى تكونوا استفدتوا من هالكلمات الرائعه


ليـــــــــــمو انا
الرجوع الى أعلى الصفحة اذهب الى الأسفل
????
زائر



مُساهمةموضوع: رد: قاموس...تفسيري...للغة...اربد.(6) والاخير   21/4/2010, 02:07

شكرا كتير يا ليمو
الرجوع الى أعلى الصفحة اذهب الى الأسفل
remxx




مُساهمةموضوع: رد: قاموس...تفسيري...للغة...اربد.(6) والاخير   21/4/2010, 02:11

ليمو انا استفدت بس بدي دروس تقوية
الرجوع الى أعلى الصفحة اذهب الى الأسفل
????
زائر



مُساهمةموضوع: رد: قاموس...تفسيري...للغة...اربد.(6) والاخير   21/4/2010, 02:12

ريمكس ممكن اخد معك دروس ؟
الرجوع الى أعلى الصفحة اذهب الى الأسفل
ليمار__




مُساهمةموضوع: رد: قاموس...تفسيري...للغة...اربد.(6) والاخير   21/4/2010, 02:19

هلا ريمكس واللورد من عيوني انتو بتؤمرو أمر

اي مساعده انا جاهزه من عيوني ومجانا لعيونكم
الرجوع الى أعلى الصفحة اذهب الى الأسفل
????
زائر



مُساهمةموضوع: رد: قاموس...تفسيري...للغة...اربد.(6) والاخير   21/4/2010, 02:20

شووووو مجانا و الله انتي بتعرفي يا ليمو انا توجيهي و بحاجه لدروس بس ليوافق ريمكس و بنحد متى رح نبلش
الرجوع الى أعلى الصفحة اذهب الى الأسفل
ليمار__




مُساهمةموضوع: رد: قاموس...تفسيري...للغة...اربد.(6) والاخير   21/4/2010, 02:23

من هلأ ازا بتحبو انا جاهزه
الرجوع الى أعلى الصفحة اذهب الى الأسفل
????
زائر



مُساهمةموضوع: رد: قاموس...تفسيري...للغة...اربد.(6) والاخير   21/4/2010, 02:25

لا هلا ما بزبط معي لانو هلا خلصت حصه كلو ورا بعض ما بتحمل خليها لبكره
الرجوع الى أعلى الصفحة اذهب الى الأسفل
ليمار__




مُساهمةموضوع: رد: قاموس...تفسيري...للغة...اربد.(6) والاخير   21/4/2010, 03:00

اوك متل ما بدك
الرجوع الى أعلى الصفحة اذهب الى الأسفل
 
قاموس...تفسيري...للغة...اربد.(6) والاخير
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اربد :: ترفيه :: تسالي و فرفشة :: دردشة اربد-
انتقل الى: