اربد

منتدى معلومات عامة
 
صفحة الاعلاناتالرئيسيةبحـثالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

pubacademy.ace.st--!>
pubacademy.ace.st--!>

شاطر | 
 

 قاموس...تفسيري...للغة...اربد.(5)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ليمار__




مُساهمةموضوع: قاموس...تفسيري...للغة...اربد.(5)   19/4/2010, 18:13

خاشوقه: اداة تناول الطعام من الحديد المطلي بالكروم و من مواد قابله للاستخدام مع الاكل بمعنى اخر ملعقه.

خوصه: اداة اخرى من ادوات تناول الطعام و هي السكين

الشمنضورة: هي حليب البقرة خلال ثلاثة ايام من الولادة اي حليب اللبأ, و هو حليب غير الاعتيادي و ذلك ليناسب المولود -العجل- الجديد الضعيف حيث يحتوي حليب اللبأ او السرسوب على كميات كبيرة من بروتينات المناعة و عوامل النمو لتقوية جهاز مناعته الضعيف و اكسابه اي جهاز المناعة بعضا من الخبرة

قياتي : تبعاتي

ميل : تقلط يعني تمر لجاي

و بعدين ياسامه و انت جاي لجاي, جايلك سفط راحه:

جاي : قادم , آت

لجاي: لهون

جايلك: هات او هاتلك يعني جيب معك

سفط: طبق علبة كرتونه كنايه عن الباكيج

خشوم: انف

سرسري: ازعر طول نهاره داير و بتخمع مشان يسرق يعني حرامي

لوكس: فانوس

عجه بفتح العين و كسر الجيم: غبره

غبصه: يعني عجقه

يا هما لالي: يعني هلا والله وبعدين تعني الزهق من الشغلة و كثرة الهم التي سببته

براو: كلمة مشتقه من برافو يعني عفيه

عفيه: من العافيه و تقال عند استحسان امر قام به شخص ما فتقول له عفيه

طوريه: بمعنى كزمه و هي المجرفه

منكوش: فأس صغير

اقروقه: جاجه بتقرق بتا ترقد على البيض مشان نفقس صيصان

اتصهون: يعني من صهن اي ضحك و الاتصهون هو الضحك

مطوى: مكان تسفط بيه مواعين القعده و النوم "الفراش و اللحفه"

نمليه: خزانه بالمطبخ بنحط بيها مواعين المطبخ

ططلي: هو نوع من الغذاء مصنوع من انواع الفواكة اقلكوا مربى

معقود: هو ططلي و خاصة ططلي التين

الشخل: هي عملية يتم بيها عمل اللبنة من اللبن الرايب بوضعه في كيس قماش لتشخل منه الميه" كقولهم يرحم جدك بقى يشخل اللبن بسرواله"

د"ذا"ك¯¯ه: سروال ابو د"ذا"ك¯¯¯ه يعني ابو مرسة اي اله حبل او مطاطه تربطه مثل الزنار اي مثل الحزام

امد"ذا"ك¯¯¯ن: يعني مكنز و مخبي على قلبه ايضا يعني ساكت و لابد على نجاسة .

نجاسة: خبث

دوربوكه: الة موسيقيه يدربك عليها و هي الطبله و الصغار يستخدمون التنك عوضا عنها

خبر: اي سولف و شو في عندك علوم

خمه: بمعنى خام و مش نافع بالمرة

اهتر: شخص اهبل مهستر و لا هو داري عن حاله

لطع: فعل ماضي يفيد الزت و الترك اي تركني بستناه لمدة سنه

عبين: يعني لما و لحتى

انطز: انقلع هون و لا تتحرك

روز: اي قيس و افحص

بح بضم الباء: اي لح بضم اللام بمعنى استخدم ريحة ميه لغسل الصحون او المواعين اي بحن بح مشان تقيم الغبرة عنهن.

اتنحنح: اي اصدر صوت و قال احم احم احم

بتخمخم .. ومنها خمامخي للشخص الي بتخمخم. و تعني داير عند الناس .. بقصد الضيافة من اكل وشرب

مبلط بتشديد وكسر اللام: عن الضيف ثقيل لادم الي بطول الزيارة كثير.

مجلس: يعني لابد. لابد يعني متخبي بهدف غدم اظهار شيء ذي قيمة .. ومنها المصطلح: لابد على غش

مهطبل: بمعنى مستوي. تقال عن الاكل. أو الشخص اللي بتحدث كثيرا عن الرغبة بالزواج

الكيلة: كاس الماء الذي يستخدم للشرب من الخابية

اعبجت فاحت .. تقال عند تكاثر الرئحة أو الدخان

دقز: أراد رفقة جماعة بمشوار مع عدم رغبتهم.

زلطه: لها معنيان الأول بمعنى سلطه مكونة من بندورة وبصل يابس وزيت زيتون والثاني بمعنى حجر صغير .. مثل: ذربته زلطه على راسه

جورة: قطعة من الأرض محددة بجدار من الجارة "سنسلة"

الحلال: الماشية

سوم وتلفظ سووم : أي قدر الثمن .. تستخدم في تجالة الحلال. الأول يسأل: للبيع? الثاني صاحب الماشية يرد: سوم.

اتورشحوه اي لحقه بتنقال لما الكلب يلحق واحد

عرشه تقال لمن الكلب يلحق واحد يعضه

ضبع ضبعه يعني خمغه يعني اسكته وسيطر عليه

متوهرث = يعني ملخوم

مجبع = مليان = الطنجرة مجبعه طبيخ


كييييييييييف الدرس حلو ومفيد مو
ليمو
الرجوع الى أعلى الصفحة اذهب الى الأسفل
remxx




مُساهمةموضوع: رد: قاموس...تفسيري...للغة...اربد.(5)   20/4/2010, 06:22

هههههههههههههههههههههههههههههههههههههههه
ليمو بدي درس خصوصي
الرجوع الى أعلى الصفحة اذهب الى الأسفل
يوسف علاوي




مُساهمةموضوع: رد: قاموس...تفسيري...للغة...اربد.(5)   20/4/2010, 06:33

والله وهرفتينا بالدرس الحلو يسلموا
الرجوع الى أعلى الصفحة اذهب الى الأسفل
ليمار__




مُساهمةموضوع: رد: قاموس...تفسيري...للغة...اربد.(5)   20/4/2010, 23:30

ولو ريمكس انتا بتؤمر واحلى درس لعيونك


اكيد مو احلى منك يوسف وشكرا كتير لمشاركاتك يلي بتعئد دائما
الرجوع الى أعلى الصفحة اذهب الى الأسفل
اسمر66660




مُساهمةموضوع: رد: قاموس...تفسيري...للغة...اربد.(5)   20/4/2010, 23:37

والله ليما في كلمات المرة هاي بعرفها
كلمات فلاحية 100في 100
ومنكم نستفيد ليما
الصحفية المبدعة ليمار
هلا والله بكل الزوء
الرجوع الى أعلى الصفحة اذهب الى الأسفل
ليمار__




مُساهمةموضوع: رد: قاموس...تفسيري...للغة...اربد.(5)   21/4/2010, 01:32

ربي يخليك اسمر شو انك مزوء

وشكرا لإطرائك الاكتر من رائع
وان شاء الله سأوافيكم بالمزيد
الرجوع الى أعلى الصفحة اذهب الى الأسفل
????
زائر



مُساهمةموضوع: رد: قاموس...تفسيري...للغة...اربد.(5)   21/4/2010, 02:09

ليمو و انا بدي كمان درس

و شكرا كتير على الموضوع الحلو
الرجوع الى أعلى الصفحة اذهب الى الأسفل
 
قاموس...تفسيري...للغة...اربد.(5)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اربد :: ترفيه :: تسالي و فرفشة :: دردشة اربد-
انتقل الى: