قاموس...تفسيري...للغة...اربد.( 3 )

الفاظ السهرة :

مرحبا: تقال بعد صفنه ربع ساعة بصباح اللي قبالك بعدين ترفع ايديك و بتقوله مرحبا.

مسا الخير: يعني الدنيا مسا الله يمسيك بالخير و تقال بعد جدال طويل دون نتيجه

بعض الالفاظ الشائعة:

لطيتا: اي نثرتا مثل قولهم و الله لطيتا عدس اي زرعتها

صلاحية: اي شاف او شربة تستخدم للماء

صفاه: اي صخرة مية واحد ما بزحزحوها كقولهم: مثل القرد اللي قاعد على صفاه.

قلعه: حجر متوسط الحجم بزحزحا واحد او اثنين

دبشه: حجر اصغر من القلعة يستخدم في الهوشات

لقن: اي طشط او طشت ويستخدم للاستحمام

تتن: دخان عادة ما يكون من نوع هيشه سوبر و غير معبأ في صناديق "علب"

تذرايه: اي رمي القمح بالهواء مشان ينفصل الحب عن القش

رجادة: نقل المحصود من الحقل الى البيدر على الجمال و الحمير

اتفطن: يعني اتذكر

زنوبه: حفاية بلاستيكية بتظلها تصفق و انت بتمشي و هساع صارت موضه

بريموس: ببور يعمل على الكاز يعني غاز بس بعيب وحده

لهده: اي اقرفوه و اوجع قلبه و عله

هبال "بضم الهاء": بخار كثيف يخرج من لطبخة

نقب: ازالة اطراف بعض الثمار مثل البامية

هبره: اي لعن سلسفيل اهله قد ما كتله

دهو"ذا"كو: اي دمروه و قضى عليه

حاش: تكتيك يستخدم في صيد البلاليق و جرها الى الفخه

طاقة: فتحه بالحيط عالية المستوى , نافذه صغيرة

وطاة: ارض "و هي التي توجد بها الصوفي و القلاعه"

مرسة: حبل ثخين يستخدم لربط اليقر و احيانا كثيرة للنشل من البئر

شمينتوه: كناية عن الاسمنت

جبع: اي جمع الشيء على بعضه دون ترتيب

براطم: شفايف ناعمه جدا جدا بس اغلظ من براطم الجمل

بل: لفظة حسد و تدل على التعجب مع التمني بالزوال

شل: يعني طاري و تستخدم كالاتي: نقضب شل الناس "نميمة"

حيشا: يعني منعيدا تستخدم للاستثناء

"ذا"كيلة: مقياس للوزن و تتراوح ما بين السطل و الدبية

قرمية: اصل و تستخدم في اوجه كثيرة مثل قرمية الخورفيش و لمسبة شخص يعني بدك تلعن قرمية ابوه بمعنى اصله.

جوالة: اي قرقرة و هي عملية لم الزيتون اللي على الارض و الذي نسي على الشجر بعد فراطه " طبعا من قبل اشخاص اخرين غير اصحاب الزيتون"

كرم: بستان و غالبا ما يحتوي على الزيتون و التين و بعض الدوالي

شنته: اي كيس بلاستيك اسود

ورك: او ولك و هي لفظة استهزاء فيها شيء من الود

صاوي: اي اعمل او ساوي

عابر: يعني امك بتقلك لا تظل طالع عابر الدار انتلت ذبان

بتمنى يكون الدرس حلو ومفيد
ليمو

يسلمو على الدرس بس في كلمات كتيره اول مره بسمع بيها
شكلي بدي دورة تأسيس

هلا ريمكس كيفك؟
شوف انا هلأ مشغوله شوي لانو بعطي دروس كتيره بس ممكن اكثف الدروس في المنتدى واي استفسار انا جاهزه وانا متأكده انو الدرس الجاي كتير احلى من هاد الدرس لانو اليوم كان الكلمات ممله شوي

والله ليمار انا بدي درس
شو متى تعلمينا
شكلنا عن جد في كثير شغلات ما نعرفها
ع كلا يسلمو كثير ليمار والله الك وحشة

هلا اسمر بس انتا تابعني ورح تتعلم شغلات كتير حلوه وبتفيدك بهالزمن ههههههههه

اكيد ليمار
وراء كل رجل عظيم امرأة

ههههههههههه اكيد اسمر وهل عندك شك؟

لا طبعا بس تكون انت
وغيرك نو

ليمار مشكوره كتيير على الدرس ..
في كلمات كتييير أول مره بسمع فيهم !!!!

هههههههههههه اسمر وانا الي الشرف اكيد
هلا نجيب ولسى الجايات اكتر بس خلي عينك عليي هههههههههههههههه

ارسل الك دبش شكرا على الموضوع الحلو يا ليمار

ارسل الك دبش شكرا على الموضوع الحلو يا ليمار

والله يا ليمو انك من الاخر وكل مرة عم تحلى دروسك عن المرة اللي قبلها
شو اخبارك حبيبتي والله الك وحشة؟يسلمو على الدرس

اتوقع رح ارسب في الامتحانات لانه معاني الكلمات مافهمتها كلها كيف الكلمه نفسها

وشو معنى " هساع " لما قلتي وهساع صارت موضه

ويسلموو استاذه

هلا يوسف وما بتئصر

وهلااااااااا حبيبتي مجد كيفك اشتئتلك كتير وانا الحمد لله منيحا تسلمي حبيبتي كلك زوء

لا اويس خلي املك كبير ولكل مجتهد نصيب
ومعنى هساع هيي يعني هلأ

والعفو نحنا تلاميزك اويس والعين ابدا ما بتعلى عالحاجب