قصيدة عقوق الوالد

البارحه قلبي شكى من طواريه
وكبدي غدا طعن العرب في حماها
نومي ‍.. غدا جمر الغظى في حراويه
والناس دايم ماتبين خطاها
ياللي تجور بوالدك ليه ثم ليه ؟؟
فكر بيوم تدفنه في ثراها
يوم الحزن يدعي ظلوعك وتدعيه
ولا عاد ينفع نون عينك بكاها
يومك بلحد بالمقابر توطيه
عقب المطوع سورته ما قراها
والناس .. تقفي كل شخص .. ومشاغيه
والشمس غابت .. والقمر ما علاها
تسري .. وقلبك .. ماتدله مساريه
والنفس .. يقطع حزنها مشتهاها
وتضوي على بيت شكى موت غاليه
بيت الذي دار المراجل نصاها
ظفر .. وكرم .. وأخلاق .. ومشاهد فيه
ولاهقوتي .. تمشي دروب مشاها
تنظر إخيك .. وصورته بين اياديه
وأمك بركن البيت تسمع دعاها
وتلقى الصغار .. بظمها لك تطريه
عزي لكبدك من سعاير لظاها
تقضي ثلاث أيام سود ومكاريه
هي .. للعزى والنفس مقبل عزاها
وإن
.
.
.
قمت سارح صوب داره تحييه سجيت .. موت اللي يحقق رضاها
تلقى المحل مغبرات مراكيه
تقفي .. وحزنك واجداتن مواريه
حزن تغلغل بالظلوع ورقاها
في حينها .. تدرك غلا بيك ( ياهيه )
ولاتعتنز دار بليا عصاها
(( أنت )) الذي جول القطا في مفاليه
وأبطى وطارت صيدته مارماها
في حينها .. ودك بساعه تلاقيه
ساعه وجفنك ما رقد في رجاها
ماااا هو على كيفك يجي لك وتاتيه
الروح .. وحده والله اللي خذاها
إسمع من اللي بالعمر في مباديه
نصيحه القلب العما ما نساها
خللك مع عودك حميم مصافيه
وإظحك وخفف من هموم عناها
وخللك تصايد مايسره ويرضيه
وهات العلوم اللي بعصره لقاها
وقل .. لاسمعت غنه يناديك ( لبيه)
ياكبرها .. لو هو قصير(ن) هجاها
ولا تترك الجاير .. بساعه يخاويه
يمرضه ونفسه يبتدي منتهاها
يعطي ابيك العود مقرن علابيه
نفسه عليله والمرض في دواها
خللك .. رفيقه وإن تعثر تراكيه
كم مرة ظامي لهاتك سقاها
دين عليك ولازم إنك توفّيه
بالدين فرض وبالمراجل سماها
من طاع عوده رب الارباب ينجيه
في ساعه النفس تترقب جزاها
وعمر(ن) بلا شيبان وش ينبغا فيه
ودار بلا حكام يكثر بلاها


****منقوله**** يوسف

يسلمو على الكلام الجميل