الأبنودي يرد على مرسي وما أدراك ما الستينات حتى الرغيف بقى أمنية يرحم جمال عبدالناصر , فيديو وكلمات الأبنودي يرد على مرسي وما أدراك ما الستينات حتى الرغيف بقى أمنية يرحم جمال عبدالناصر

الأبنودي يرد على مرسي وما أدراك ما الستينات حتى الرغيف بقى أمنية يرحم جمال عبدالناصر , فيديو وكلمات الأبنودي يرد على مرسي وما أدراك ما الستينات حتى الرغيف بقى أمنية يرحم جمال عبدالناصر الأبنودي يرد على مرسي وما أدراك ما الستينات حتى الرغيف بقى أمنية يرحم جمال عبدالناصر , فيديو وكلمات الأبنودي يرد على مرسي وما أدراك ما الستينات حتى الرغيف بقى أمنية يرحم جمال عبدالناصر الزعيم جمال عبد الناصر الأبنودي في قصيدته: دفعنا تمن الحريّة.. بدمّ مش بدينار ودولار.. يوم وقفته فى «المنشيّة».. خلّى الرصاص يهرب من عار.. أعداء جمال عبدالناصرعمره ما جاع فى زمانه فقير.. أو مالتقاش دوا للعِلّة.. دلوقت لعبةْ «اخطف طير».. والأمة فى خِدْمةْ شِلَّة.. تكره جمال عبدالناصر




تداول نشطاء على موقع التواصل مقطع فيديو بعنوان "الأبنودي يرد على مرسي ويرد اعتبار عبد الناصر"، بصوت الشاعر عبد الرحمن الأبنودي وهو يلقي قصيدة "جمال عبد الناصر" التي كتبها عام 2010 في عصر المخلوع حسني مبارك، واعتبرها النشطاء رد على جملة "الستينات وما أدراك ما الستينات" التي تفوه بها الرئيس محمد مرسي أثناء إلقائه خطبة بميدان التحرير بعد فوزه في انتخابات الرئاسة.


كمان يظهر الفيديو شقيق محمد مرسي الذي يعيش في قرية العدوة مسقط رأسه بمحافظة الشرقية وهو يؤكد أنههم يملكون فدانين حصلوا عليهما من قانون الإصلاح الزراعي الذي أصدره الزعيم جمال عبد الناصر عقب ثورة يوليو.



وتقول القصيدة: من يمدحُه يطلع خاسر
ويشبَّروله.. أيامه
يعيش جمال عبدالناصر
يعيش بصوته وأحلامه.. فى قلوب شعوب عبدالناصر
? ? ?
مش ناصرى ولا كنت ف يوم
بالذات فى زمنه وف حينه
لكن العفن وفساد القوم
نسّانى حتى زنازينه.. فى سجون عبدالناصر
? ? ?
إزاى ينسّينا الحاضر..
طعم الأصالة اللى فى صوته؟
يعيش جمال عبدالناصر
يعيش جمال حتى ف موتُه.. ما هو مات وعاش عبدالناصر!!
? ? ?
إسمه جمال وجميل فعلاً
ياما شفنا شجعان خوّافه
عظيم.. وكان إنسان طبعاً
المجد مش شغل صحافة.. علشان ده عاش عبدالناصر
? ? ?
أعداؤه كرهوه ودى نعمة
مِن كرهُه أعداؤه صادق
فى قلبه كان حاضن أمَّه
ضمير وهمَّة ومبادئ.. ساكنين فى صوت عبدالناصر
? ? ?
ملامحنا.. رجعت بعد غياب
دلوقت بس اللى فهمناه
لا كان حرامى ولا كداب
ولا نهبها مع اللى معاه.. أنا باحكى عن عبدالناصر
? ? ?
عشنا الحياة ويّاه كالحلم
فلا فساد ولا رهن بلاد
يومها انتشينا ثقافة وعلم
وف زمنه ماعشناش آحاد.. كنا جموع فى زمن ناصر
? ? ?
كان الأمل فى خُضرِتُه بِكْر
مافيش لصوص للقوت والمال
ومصر أبطال ورجال فكر
ومثقفين ستات ورجِال.. جيوش جمال عبدالناصر
? ? ?
كان الهلال فى قلبه صليب
ولا شفنا حزازات فى بلادنا
ولا شُفنا ديب بيطارد ديب
ولا جرَس خاصم مادنة.. وَحَّدْنا صُوت عبدالناصر
? ? ?
دفعنا تمن الحريّة
بدمّ مش بدينار ودولار
يوم وقفته فى «المنشيّة»
خلّى الرصاص يهرب من عار.. أعداء جمال عبدالناصر
? ? ?
رغم الحصار كنا أحرار
وفى الهزيمة الشعب ماجعْش
كان اسمها «بلد الثوار»
وقرار زعيمها مابيرجعْش.. قرار جمال عبدالناصر
? ? ?
خلَّى بلادُه.. أعزّ بلاد
ليها احترام فى الكون مخصوص
لا شفنا وسط رجالُه فساد
ولا خطط سمسرة ولصوص.. كان الجميع عبدالناصر
? ? ?
لولاه ماكنتوا اتعلمتوا
ولا بقيتوا «دراكولا»
ياللى انتو زعما وإنجازكو
دخّلتوا مصر الكوكاكولا.. وبتشتموا ف عبدالناصر
? ? ?
عمره ما جاع فى زمانه فقير
أو مالتقاش دوا للعِلّة
دلوقت لعبةْ «اخطف طير»
والأمة فى خِدْمةْ شِلَّة.. تكره جمال عبدالناصر
? ? ?
يتّريقوا على طوابيرُه
علشان فراخ الجمعية
شوفوا غيره دلوقت وخيرُه
حتى الرغيف بقى أمنيّة.. يرحم جمال عبدالناصر!!
? ? ?
فيه ناس بتنهب وتسوِّف
لا يهمّها من عاش أو مات
ورضا العدو عنّا يخِوِّف
معناه أكيد إننا قَفَوات.. من يوم مامات عبدالناصر!!
? ? ?
الأرض رجْعت للإقطاع
وقالوا: «رجعت لصْحابها»
وصاحبَك الفلاح تانى ضاع
ضاعْت العقود واللى كتبها.. وخط إيد عبدالناصر!
? ? ?
أنا أذكُرك من غير ذكرى
والناس بتفتكرك بخشوع
الأمس واليوم ده وبكره
يبكوك بعظمة...
[youtube][/youtube]