قاموس...تفسيري...للغة...اربد.( 2 )

[size=18]

رح نكمل الدرس اليوم


خابية: زير او جرة

حمامية: صحن مقعر كبير بمعنى زبدية وكان يستخدم للسمن

كوارة: جزء مهم في البيت يستخدم لخزن الحبوب مثل الصومعه

الحاكورة: مساحة من الارض مزروعة بشتى الاصناف و قد فتح كوفي شوب باسم الحاكورة في اربد

غوله: وحش خرافي انثى يستخدم في قصص ماقبل النوم هو و نص انصيص لتنويم الولاد

قومانا: تستخدم للاستهجان و الاستغراب مع التمسخر على شيء لم يكن يحسب حسابه

لوما: بمعنى لولا " لولاكي .... لولا"

فغم: طريقة لاكل البندورة والبطيخ بالقضم بكامل الفم و الحبة صامدة

كراديش: نوع منالخبز المصنوع من الذرة "كورن فليكس" لما تلطخا بالحيط بترجع عليك

نبطه:اي ذربه او ملأه الى الباب

اذرب: فعل امر من ضرب

حيد: اي زيح او تجنب

دبية: وعاء كبير من الالمنيو و بالجديد من البلاسيك يعبأ بها الحليب

لوح: تقال للشخص الشقفة الواحدة

لوكسي: وتعني متأخر وتقال لأي شيء يكون متأخرا عن وقته ويقال في المثل عسكري بدري ولا دكتور لوكسي "الها قصة بعدين بحكيلكم اياها"



تلا:وتعني ناحية او جهة.... مثلا مجمع الاغوار الجديد يقع تلا الحسبة المركزية "يعني ناحية او جهة الحسبة المركزية"



بتغطس: يعني مستحي لدرجة انه مش عارف يتحرك او يحكي



قطمه "بضم القاف وتسكين الطاء": بمعنى ريحة "ريحة: تقال للشي القليل مثل ناولني ريحة ميه"

وهاي قطمة "ذا"كلمات من اللي بعرفهن:

باب الفاظ الشتم:

س"ذا"كن: تقال س"ذا"كن اللي يعبي اذانك و هو رماد النار

سنحك: من السنح و تقال سنح يسنحك

سبعك: سبع اللي يسبعك و احيانا تستخدم مزاحا كقولهم و الله و السبع...تنعام

طبعا حيشا السامعين و القايل



الموضوع بس للدعابه مو اكتر

[/size]

سوف أبحث لكِ ليمار عن كتاب من تأليف الدكتور حنا حداد (عميد كلية الآداب في جامعة اليرموك سابقاً) وعالم من علماء اللغة في وطننا العربي بهذا الخصوص.
أبدعتي وإبمكانك يا ليمار تأليف متاب بهذا الخصوص.. الله يعطيكي العافية.

ههههههههههههههههه هلا سالم وربي يحفظك يا رب

وانا ؤح اكتب عالغلاف بمساعدة الاخ الاغلي سالم

عنجد ليمار وأنا مستعد للمساعدة في الإخراج والتأليف... لأنه عملي السابق يساعدني على ذلك

الله يسعدك يا رب والله ما بتئصر وانا بتشرف انو اعرف انسان متلك زوء

حبي موضوع رائع يا رائعه
تسلمي اول مره بعرف هالكلمات

سيلممممممو ليمو الدرس كتير حلو (روعة)يعني صار الواحد يحكي اشي مو الكل بعرفه لغة تانية يعني خدي هاي
(والله والسبع تنعام من المزيونة ليمار)كيف؟

هلا ميدو منور

والله يا مجد انك بتعئدي تسلميلي يا قمر وانتي خدي هدول
عراسي قزدره
وشرفي بريح امك من غسيل اواعيك
بفقعك كف بنزل منك 10 ولاد صغار بيسيرو يدورو عبعض
عراسي كل الكراسي الا الكرسي الي بيوجعلي راسي

كيف؟؟؟؟؟؟؟؟؟؟

ههههههههههههه والله يا ليمار هاللغة أنا شخصياً أول مرة بتمر علي كراسي ومو كراسي

ههههههههه هلا سالم ولسى ما شفت شي

اوعى يا سالم من ليمو
داقه على سنانها ممنوع التسوس

بفهم من هالحكي يا ليمار إنك بتهدديني.... بسيطة بنتقابل... ورجيني شو بدك تسوي

معضم الكلمات اول مره بسمعها
مشكوره على الموضوع ليمار ابدعتي