اربد

منتدى معلومات عامة
 
صفحة الاعلاناتالرئيسيةبحـثالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

pubacademy.ace.st--!>
pubacademy.ace.st--!>

شاطر | 
 

 قاموس...تفسيري...للغة...اربد.( 1 )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ليمار__




مُساهمةموضوع: قاموس...تفسيري...للغة...اربد.( 1 )   28/3/2010, 03:08





رح انزلو على شكل حلقات كل يوم بعلمكو شوي
اوك ؟؟ اتفئنا ؟؟؟
خلينا نبلش اول حصه تحت رعايتي انا ليمو


مصلحات خاصة بأهل اربد فقط و من له علاقة بأحدهم


يرجى النشر للأهمية من أجل تسهيل تفاهم جماعة (الااال و الأولنا) معنا

تناوله: اي ضربه بشيء ثقيل على رأسه من احد الجوانب

هبده: اي ضربه بشيء ثقيل على رأسه و لكن من اعلى

بتلبده: اي بتخمع او لاطيله مشان يطلعله عبو غفله

مزوزك: اي مطقمش و حلوة اي مهندز

دوك: بمعنى لد جاي او طل كيفنه

اصطهج: اي انبسط

احدر: اي طيّح او نزل

اتمرقطوه: اي اتعربشوه و لحقوه و تستخدم في الغالب لمن يتمرقطه كلب

قعوه: اي مهرج ولاد صغار اي بيظله طول النهار قاعد و داير باله عليهم

اجدي: اي اقعد على ركبك نص قعده

الخاير او الخايس: بمعنى الشيسمو و الهاظ و باللهجة الكركية البيّه

لب: اي منتصف الشي مثال دوك صار بلب الباص او دوك الطيارة بتعزق مظلية بلب اربد

اعزق: اي ارمي

سولافه: اي قصة قصيرة قد تمتد طوال الليل

تعليله: يعني دبكة و عرس اخرا يومين و احيانا سهرة عند احد الرفاق

بكاسح: اي داير من حارة لحارة

الجيعة: بئر صغير تشرب منه كل الحارة

حاووز: خزان ماء

كلاكية: اي خشة من الزينكو

خشة: بناء صغير متعدد الاغراض

خم: بناء صغير يستخدم لتربية الجاج البلدي

سطل: تستخدم كناية عن الوعاء و خصوصا التنكة و التي يربى بيها الحمام

جخه: اي منتاز و مليح ومنها انواع على لوز و على فستق "حلبي"

لكع: اي شخص خدر و لبد و متكاسل

خام: تقال لشخص اللي مش مليح

ريحة: تقال للشي القليل مثل ناولني ريحة ميه

أني: ضمير بمعنى هاظ اني

قبله: بمعنى بوحهه مثال ظل رايح قبله

اندحر: بمعنى زيح او دور هيك

مزيون: بمعنى لايق و مليح جماليا

لايق: متناسق و كويس و ابن ناس

سنسلة: كوم من الحجارة المرصوفة بطريقة هندسية لتشكل سور

رجم: كوم حجار طبيعي التكوين و موجود منذ زمن

سحرة: ارض مزروعة بالمزروعات الصيفية

حوش: مساحة من الارض حويلى الدار مثل بكب غرفتين و حوش
الرجوع الى أعلى الصفحة اذهب الى الأسفل
c0n@n




مُساهمةموضوع: رد: قاموس...تفسيري...للغة...اربد.( 1 )   28/3/2010, 03:26

يعطيكي العافية ليمو بس والله اول مرة بنتبه للمصطلحات هاي وجد بتجنن وبانتظار الحلقة الجاية
(مع تحياتي اني مجد للايقة المزيونة ليمو)
الرجوع الى أعلى الصفحة اذهب الى الأسفل
ليمار__




مُساهمةموضوع: رد: قاموس...تفسيري...للغة...اربد.( 1 )   28/3/2010, 03:32

هلا حبيبتي مجد والله انك زوء واكيد انا كل يوم ولا يومين رح نزللكم حلقه بس بتمنى تعجبكم
الرجوع الى أعلى الصفحة اذهب الى الأسفل
احمد بشيري




مُساهمةموضوع: رد: قاموس...تفسيري...للغة...اربد.( 1 )   28/3/2010, 03:39

مشكوره ليمار
حلو كثير
ملاحضه : مش كل اهل اربد بيحكو هيك
يعني انا والله فيه كلمات اول مره بسمعها
وشكرا ليمو
الرجوع الى أعلى الصفحة اذهب الى الأسفل
ليمار__




مُساهمةموضوع: رد: قاموس...تفسيري...للغة...اربد.( 1 )   28/3/2010, 03:43

هلا احمد لا هو اكيد مو الكل واكيد اهل اربد وانا وحده منهم ولو ما كنت منهم كان تمنيت اكون منهم

واهل اربد احلى ناس
الرجوع الى أعلى الصفحة اذهب الى الأسفل
 
قاموس...تفسيري...للغة...اربد.( 1 )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اربد :: ترفيه :: تسالي و فرفشة :: دردشة اربد-
انتقل الى: