اربد

منتدى معلومات عامة
 
صفحة الاعلاناتالرئيسيةبحـثالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

pubacademy.ace.st--!>
pubacademy.ace.st--!>

شاطر | 
 

 بكتب عن الدموع

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
????
زائر



مُساهمةموضوع: بكتب عن الدموع   26/3/2010, 17:09

بكتب عن الدموع
بس ترا بكتب بطريقة يعني.. مثل ما تجي الافكار ابحطها ..مالي خلق اقعد ارتب واكتب وووانسق...
يعني نورمل....

دموع.. بكااااء..حزن... فرح..ضحك..بصل ..اي دموع..المهم ان الواحد يتخلص من الضغط النفسي
قرأت ان معدل بكاء المرأه 65 مره في السنه..والرجل 15 مره....

في ناس تبكي قدام الناس ..
وناس تدخل الغرفه..تقفل الباب وتبكي بالحالها<< هالناس باي ذا وي..هم اكثر ناس يضحكون ..والجميع يحس انهم اسعد ناس في الدنيا..
مايدرون ان ورااا كل ابتسامه..اكيد في حزن...
يعني .."اضحك..ودمعي حاير وسط عيني"..التوقيع خالد الفيصل...

احب دموع الرجل..!! اي احبها..احس ان الرجال اللي يبكي حساس وحنون وطيب...
اللي ما يبكي قلبه قاسي..خليه يروح يوللي ..مين يبي رجال قلبه قاسي...

ماحب كلمة دموع التماسيح..ولا اعترف فيها ...ما اعتقد في انسان يقدر يبكي بدون احساس..

انا اعرف ان اكيد عيونى بتدمع في حالتين...اذا بطلع مع البنات..ماي فريندز طلعة جنان..واستهبال...
وفي هالحاله نو وي احط كحل وماسكرا..بعرف اني من كثر الضحك دموووووووعي بتصب وووبينحاس وجهى..لوووول
بس هذي احلى دموع..
وووولما اكون رايحه موفي عارفه ان فيها حزن ودراما<<<اكبر بكايه مع الموفيز كمان ماحط كحل...
وتراهم نصابين مافي كحل ووتر بروووف جربت كل شي لاااازم يسيح وتصير البنت كن احد ضاربها على عينها ويضيع البريستيج..

تحزني دموع الاطفال بس مو اي دموع.. في الدموع اللي بدون صوت تذبحني..
بس اذا قاموا يصارخون ويبكون بدون سبب......
نو ما يهموني..ودي يسكتون ووبس..

في دموع الكبار العجايز..مرره صعبه..ترحمهم..تحسهم يبكون من قلب..

وفي دموع القلق..في عيون ام ..واهل..على شخص مريض..تعبان..مايدرون هو بيعيش بيموت وش فيه..
وما يلقون حل غير البكاء و..قول ياارب..
.................................................. .......

دموع امي وابوي ...ما ودي اشوفها ابدا...

دمووع المظلوم..والمقهور صعبه...!!!

في الدموع اللي ..."عين بكت من خشية الله"... واااو عليها...لين اليوم اذكر اول مره بكيت من خشية الله...هذي اكيد دموع تغسل الذنوب باذن الله ...الله لا يحرم احد منها..
دموع المصلي بصلاته وخشوعه ..دموع طالب الرحمة والغفران..دموع قلب اتعبته الدنيا فلجأ لله تعالى.. وهي من اروع الدموع ..

وفي دموع خوف ..وحنا صغار اذا سوينا شي باد وخفنا اهلنا يدرون..<<هذي عاد اسمع فيها عمرها ما صارت لي ..لووول..<< ما تخاف.. يعني اخاااااف.. بس مو لدرجة اني ابكي...

في دموع ندم على غلطه مع احد غالي وعزيز...احساس فظيع..مو حلو..

في دموع الحزن...ماحد ماجربها..كلنا جربناها..حتى لو قلنا لبعض.. آخر الاحزان..هي كلمة تنقال..نضحك على انفسنا.. كلنا عارفين انها ما رح تكون آخر الاحزان...

في اغاني لها ذكريات عند كل واحد منا ...اذا سمعناها ندمع..
اغنيه كل مره اسمعها دموعي تنزل بدون شعور..اول ما يقول عبد المجيد عبد الله يا طيب القلب...تبدأ الدمووووووع..وينك ..وينك..؟؟...تذكرنى باعز صديقه لي..توفت الله يرحمها كانت تحب السونق..
هالحين قاعده اسمعها..و ابكي..
بزعمي بدخل جو وبكتب موضوع نااايس..المصيبه ..ان دموعي "تهطل" على الكي بورد..وووشكلي بتكهرب واموووت....

المهم...اذا بتبكووون لفرح..حلو..واذا لحزن..نو بربلم...كلها مشاعر وواذا ما عبرنا عنها بالدمووع ليش ربي خلقها..!!؟؟!!....اكيد لسبب...
و الاكيد..ان الدموع تغني عن الف كلمه وكلمه.......
.................................................. ...........

...


ودي ابكي لين مايبقى دموع..
ودي اشكي لين مايبقى كلام..


بكيت من الألم..وأثرْ الألم يبكي من أجل بكاي
غـريبه يا ألم تبكي ورفيقي ما درى عنّي


من بعد عينك ترا صار البكا بالليـل يغري
والليالي ترتـدي ثوب الالم وتشـق جيبـه
كل دمعة تنحدر تكتب علـى الخديـن(بـدري)!
ايه بدري لاتروح..القلب دونك ويش ابي به؟!....




وش علام الحزن عيا لا يروح
وليه ما جفت دموع البارحه
ابتسم والروح لأقصاها تنوح
والوكاد دموع عيني فاضحه
دنيتي جرحي ودنياهم مزوح
مثل مرج الماء فرات ومالحه





ولمَّا وَقفنا للوداع ودمعُها
ودَمعي يَفيضان الصبابةَ والوَجْدا
بكت لؤلؤاً ففاضت مدامعي
عَقيقاً فصار الكُلُّ في جيدِها عِقدا
...............................................
[b]
الرجوع الى أعلى الصفحة اذهب الى الأسفل
remxx




مُساهمةموضوع: رد: بكتب عن الدموع   26/3/2010, 23:07

كلمات جميله ومؤثرة جدا
يسلمو
الرجوع الى أعلى الصفحة اذهب الى الأسفل
 
بكتب عن الدموع
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اربد :: المنتدى العلمي :: ادب و شعر :: قسم الشعر و الخواطر-
انتقل الى: