السلع التي سيتم رفع اسعارها بعد زيادة تعرفة الكهرباء

زيادة التعرفة الكهربائية سيرفع اسعار السلع 15% على المستهلك
السلع التي سيتم رفع اسعارها بعد زيادة تعرفة الكهرباء
السلع التي سيتم رفع اسعارها بعد زيادة تعرفة الكهرباء


اكد اصحاب ومدراء عدد من المراكز التجارية والمولات الكبرى ان رفع التعرفة الكهربائية بنسبة 100 بالمئة على القطاع التجاري, سينعكس سلبا على المستهلك وسيؤدي إلى ارتفاع اسعار السلع في المراكز التجارية والمولات بنسبة 15 بالمئة.

وكانت الحكومة قد قررت مؤخرا تعديل التعرفة الكهربائية اعتبارا من الاول من الشهر الحالي بنسب تدريجية وتصاعدية تصل الى 17 بالمئة من قيمة فاتورة المستهلكين من اصحاب الشرائح الاستهلاكية العالية, وسط تأكيدات بانها لن تمس نحو 92 بالمئة من المواطنين.

واكد اصحاب ومدراء المراكز التجارية والمولات خلال لقائهم رئيس جمعية حماية المستهلك امس ان القرار مجحف بحقهم وان المستهلك سيتحمل الاعباء الناجمة عنه في حال لم تتم اعادة النظر فيه ولوحوا باتخاذ جملة من الاجراءات التصعيدية في حال عدم استجابة الحكومة لمطلبهم باعادة النظر في التعرفة الكهربائية على القطاع التجاري..

المتحدث باسم اصحاب المراكز والمولات التجارية الكبرى المهندس هاني عاشور قال ان الارتفاع الكبير الذي طرأ على فاتورة الكهرباء للمستثمرين في هذا القطاع عقب رفع التعرفة بنسبة 100 بالمئة سينعكس سلبا على المستهلكين من خلال رفع الاسعار, وهذا ما دفع اصحاب المولات للجوء الى 'حماية المستهلك' باعتبارها المدافع الرئيس عن حقوق المستهلكين.

واضاف عاشور ان اصحاب المراكز التجارية والمولات الكبرى لا يرغبون في تحميل المستهلك الكلف الاضافية التي نتجت عن القرار لأن ذلك سيضر بالاستثمارات في هذا القطاع التي تتجاوز 2 مليار دينار, مشيرا انه في حال لم تستجب الحكومة لمطلبهم فان ذلك سيؤدي الى رفع اسعار السلع في المراكز التجارية والمولات بنسية 15 بالمئة, في الوقت الذي تعاني مختلف القطاعات حالة من الكساد في ظل تآكل الدخل واعادة ترتيب الاولويات لدى الاسر.

وطالب عاشور الحكومة بضرورة المساواة بين القطاعين التجاري والصناعي على حد سواء في قيمة الزيادة على فاتورة الكهرباء, مؤكدا ان قطاع المولات والمراكز التجارية الاكثر تضررا من هذا القرار نظرا للاستهلاك الكبير للطاقة الكهربائية.

كما نبه عاشور الى خطورة بعض الاثار السلبية التي ستنجم عن القرار والمتمثلة في تهديد الاستثمارات في هذا القطاع, اضافة ان البعض منها قد يلجأ الى الاستغناء عن جزء من العمالة لديها للتخفيف من الاعباء المالية مما يعني زيادة في اعداد العاطلين عن العمل.

وبين ان المستهلك سيكون الحلقة الاضعف في المعادلة وسيتحمل تبعات مثل هذه القرارات, مشيرا ان تاجر الجملة سيقوم برفع الاسعار وبالتالي سيضطر تاجر التجزئة الى الرفع ايضا, ما يعني سلسلة من حلقات الرفع التي لن يستطيع المواطن ان يجاريها, مما يعني تراجعا في مبيعات القطاع وبالتالي خسائر متراكمة ستسهم في تهديد الاستثمارات.

من جانبه جدد رئيس 'حماية المستهلك' الدكتور محمد عبيدات دعوته للحكومة بضرورة اعادة النظر بقرار رفع اسعار الكهرباء, مشيرا ان الاثار السلبية للقرار سيتحملها المستهلك الذي سيكون الخاسر الاكبر, باعتبارة المتلقي الاخير للسلع والخدمات, خاصة ان حالة الكساد تسود مختلف القطاعات التجارية والصناعية والخدمية, اضافة الى المستهلكين الذين لم يتبق من قدراتهم الشرائية الا الشيء القليل.

واكد الدكتور عبيدات على ضرورة اتخاذ قرار توافقي لاسعار الكهرباء بحضور ممثلي اطراف العلاقة التبادلية يكون منصفا للجميع, لافتا ان متخذ القرار لم يدرس الاثار السلبية التي ستنجم عن القرار والتي سيتحملها المستهلك في نهاية الامر.

وطالب رئيس 'حماية المستهلك' الحكومة بضرورة مراعاة الظروف المعيشية الصعبة التي تعيشها الغالبية العظمى من المواطنين في ظل ارتفاع اسعار السلع المستمر وتآكل الدخل, مجددا الدعوة الى ضرورة ان تقوم الحكومة بتنفيذ سياسة ربط الاجور بمعدلات التضخم سنويا.

شكرا ياسمين
بالمعنى رايحين نوكل خـ.................................

عفوا هشام ما عندك افضل من هالتعليق ؟

خبز خيار خس وبالاخر رايحين نوكل خروب

ارتفاع الكهربا معناه ارتفاع بكل شيء يعني بزيدو زيادة من هون بطلعوها من هون
مثل زيادة المعلمين والله كل فكري زايدينهم 100 د و طلعت كل الزيادة الي مرمطو المعلمين عليها يا دوب 15 دينار و طبعا رح يطلعو بدالها مليار
الله يكون بعونا على الايام الجاية و حسب ما بقولو رغيف الخبز رح يوصل بنص بدينار ( الرغيف الواحد مش الكيلو ) و ما حدا يقولي مستحيل لانه فعلا الاسعار متجهة لهيك و هذا الحكي انا متاكد منه و احتمال كبير خلال الخمس سنوات الجاية

يلا عشان تعرفوا معاناتنا اللي عانيناها هههههههههههههههههههههههه
و ع شو 60 دينار على سنتين

ياريت يكبروا الساحات اللي امام المساجد !!!!!!!!!!!!!!

بس انتي حكيتي بتعليق في موضوع الك الزيادة الي بدكم اياها 100 و هم موافقين على 70

وصلنا بعد الهيكلة من الزيادة من 70 %
ضل النا 30% هدول اللي طالبنا فيهم اعطونا منهم 15 % هاي السنة و باقي العلاوة السنة الجاية

يعني مابصير زياده الا ويكون بعدها رفع بالأسعار يعني شو فائدة الزياده وشو ذنب باقي الشعب اللي ماايله زياده على كل حال بيكونوا طالعوا وحده بوحده مدوبله

اصلا طبيعي انه اللي بيعطوه باليمين ياخدوه بالشمال

Nooran كتب:

يعني مابصير زياده الا ويكون بعدها رفع بالأسعار يعني شو فائدة الزياده وشو ذنب باقي الشعب اللي ماايله زياده على كل حال بيكونوا طالعوا وحده بوحده مدوبله

اهلا فيكي نوران و هاي ثاني مشاركة الك معنا و حصلتي مني على تقييم +1 لانك حكيتي زبدة الكلام الي انبح صوتي و انا بحكي فيه
المفروض المعلم و الدكتور و الممرض و المهندس و كل النقابات و كل فئات المجتمع تتضامن على مطالب عامة مثل تنزيل سعر المحروقات او تخفيض الضرائب او تخفيض الجمرك ..... الخ بدل ما كل مجموعة اطالب بزيادة خاصة فيها و بعديها مباشرة بزيدو سعر شيء معين و بنضحك عليهم مثل زيادة المعلم الي الان بده يدفع اضعاف الزيادة

ولو تعرف ياسام شو كبر فرحتهم للأساتذه بس اكيد بعد شوي راح يصحوا ويكتشفوا انه مش هاد حلمهم وين التعديل اللي صار انا بحكي حياتنا من سيء لأسوأ والله يجيرنا من اللي جاي

نحنا طالبنا بحق مشروع النا نوران ان شاالله 5 دنانير المهم ما نضيعه و الحمدلله حصلناه

بعدنا ما شفنا اشي يا نوران و المصيبة لما يوصل سعر رغيف الخبز بنص دينار او اكثر
يعني بصير الموضف يشتغل 3 شغلات هو و مرتة و يادوب قادرين يوكلو الخبز >>> انا عارف في ناس بتقراء تعليقي و مش مصدقة و بتحكي سام بحكي اشي خيالي بس هو قريب و قريب جدا

Jasmine collar كتب:

نحنا طالبنا بحق مشروع النا نوران ان شاالله 5 دنانير المهم ما نضيعه و الحمدلله حصلناه

اها بس شو الفايدة اذا بدهم ياخذوهم بزيادة الاسعار
ياسمين هاي المشكلة الي بعدني بحكي فيها انه كل مجموعة بطالب بزيادة الها و بس طيب ليش ما تكون المطالب تخفيض الجمارك مثلا او اي شيء يعم على الجميع لمتى بدنا انضل هيك نفكر في طريقة احادية

ما هو هاي مطالب الحراك الشعبي سام
الاصلاح و محاربة الفساد و نشل البلد من التردي الاقتصادي اللي عايشه فيه بس بدك مين يسمع

اصلا ما في عدل ولا عمره راح يصير الا باتباع التعاليم الاسلاميه وين ماتروح بتلاقي الظلم والتمييز موجود ليه فكركم مابيعرفوا كيف احنا عايشين اكيد معروف انه اكتر من نص الشعب هم فقراء

العدالة في السماء نوران

مبروك عليكي الزياده ياسمين بس بتعرفي انكوا بتستاهلوا اكتر من هيك وبدون رفع اسعار وبدون ما يتحمل باقي الشعب تبعيات هاي الزياده

يبارك فيك نوران كل انسان بيتعب بهالبلد من حقه ينعطى ما يوازي جهده

مشكلتنا بالاردن تنطبق عليها مشكلة الحموات ولا عمرها بتنحل الا بالايمان فقط.