في يوم من الايام دخلت غابه كبيره عريضه
شدني بعض المخلوقات الغريبه شفت قلب
يمشي وشفت انسان مكتوب عليه الكذب
وشفت اشياء غريبه بالمره شدوني رحت
لهم سألت وين انا قالو انت في الغابه قلت
كيف في غابه وش جابني؟؟ قالو كيف وش
جابك انت في غابة مشاعرك الحين الحيره
بدت ترجع لمحياي قلت اشوف وش نهاية
هذا الحلم مشيت وقالو لي تلعب معنا قلت
وش اللعبه قالو راح نلعب صاده ماصاده قلت
اوك اللعبه هذي زمان مالعبناها توزعنا واخترنا
مين اخترنا تتوقعون ؟؟ اخترنا الكذب وجلس
يعد 1 2 3 4 5 ....الى 100 بعد فر كل واحد
تخبى في مكان الكذب بدى يبحث ويبحث
ويبحث وينهم وينهم وينهم قال خليني ارمي
حجر يمكن القى حد انا لمحت الحب متخبي
مع مشاعر الكره استغربت وش جمعهم مع بعض
انتضرت وانتضرت لقيت الكره يأشر للكذب
وكأنه يقول له هذا الحب هينا شوفه متخبي
لمحة الكذب وهو يمسك حجر كبير ويرميه
بكل قوته على الحب توي حاولت احذر الحب
لكن الوقت مااسعفني تجمعت كل المشاعر
عند الحب يسألونه وش فيك قال لهم انا
صرت اعمي ما اشوف حاولو يعالجونه لكن
للاسف بدون فايده تقدم كم خطوه القلب
الطيب وقال للحب انا راح اكون دليلك طول
العمر انا راح اكون صديقك الى ان نموت
الكذب كان يكلم الكره ويقوله نجحت الخطه
عرفت بعدها ان الكره اتفق مع الكذب انهم
يخلون الحب يخسره نظره عرفت ان الكره
والكذب ناس اشرار مافي قلبهم رحمه ومرت
العصور ولف الحب بلدان كثيره للعلاج لكن
للاسف بدون اي فايده ...فضل الحب اعمى طول العمر
عرفت من بعدها ليه الحب اعمى بسبب انه فقد نضره وعرفت ليه الحب مركزه القلب لانهم قرروا يصاحبون بعض فالقلب يعشق والحب اعمى فكيف تسألني ياصاحبي لما احببتها ؟؟ سؤالك غريب لكن اجباتي في الاسطر الي فوقنا مباشره هذا هو الحب لا تلوموني على حبي فأنا علمت بأن الحب اعمى وبأن قلبي صادق هذا الاعمى فكيف يكون لي نظر وانا للاسف في الاساس اعمى .
قصه وعبارات الفتها من خلال معرفتي بالحياة الواقعيه ومن خلال مقولات تقول بأن الحب اعمى فهو فعلا اعمى قد نجد بشر كثيره ترفض الحب وتعارضه ولكن بعد فتره يصيب قلبهم الحب ويعرفون لماذا كانو اذا لامو المحبين يردون المحبين بعبارة
((يلوموني حبيبي فيك ))
موضوع: قصتي مع الحب 
6/3/2010, 03:18
