أخصاااااااااااائية تغذيييييييييييية جاهزه لخدمتكم

يااااا مليوووووووووون هلا و غلاااااا فيك مهندسة صفاء

بيشرفنا تواجدك معنا و بنتمنى تواصلك الدائم لتفيدينا بكل جديد و مهم بمجال تخصصك

مهندسة صفاء بس كنت عاوزة اسئلك لو تسمحي انا كنت ضعيفة وبعدين زاد وزني بسبب عملية جراحية ودواء الكرتكويد يعني وزني زاد

ما قدرت اتبع ريجيم غذائي فاشلة جدا فيه والتماري الرياضية بعد عملية ظهري صارت كتير حساسة

في تماري الصونا والالات
Vibration

هل باعتقادك الصونا والفيبرايين بينفعوا للتخسيس ومفعولهم مضمون ولا اتباع حمية غذائية احسن من ها الممارسات

اهلا بكى
منور المنتدى دائما بمواضيعك الرائعة


لو امكن سؤال
هل تناول السكريات بالنسبة للمرضعة من الاشياء التى ممكن تؤثر على رشاقتها
او زيادة فى وزنها؟؟

Jasmine collar كتب:

يااااا مليوووووووووون هلا و غلاااااا فيك مهندسة صفاء

بيشرفنا تواجدك معنا و بنتمنى تواصلك الدائم لتفيدينا بكل جديد و مهم بمجال تخصصك

شكرا الك حبيبتي اتمنى اني افيدكم بقدر الامكان يارب

إيمان كتب:

مهندسة صفاء بس كنت عاوزة اسئلك لو تسمحي انا كنت ضعيفة وبعدين زاد وزني بسبب عملية جراحية ودواء الكرتكويد يعني وزني زاد

ما قدرت اتبع ريجيم غذائي فاشلة جدا فيه والتماري الرياضية بعد عملية ظهري صارت كتير حساسة

في تماري الصونا والالات
Vibration

هل باعتقادك الصونا والفيبرايين بينفعوا للتخسيس ومفعولهم مضمون ولا اتباع حمية غذائية احسن من ها الممارسات

سلامتك حبيبتي صراحة السونا او الفيبريشن التنين ما بخففو وزن متل لو تتبعي نظام غذائي
انا برأيي انتي لازم تتشجعي اكتر وتشتغلي على حالك اكتر وتكون عندك ارادة قويه حتى تنحفي وازا بدك اي مساعدة انا بالخدمة

ان شاء الله حبيبتي

و مرة تانية مليون هلا لعيونك

الله يخليكي ويبارك بعمرك دكتوراه بس لو فيكي تعطيني نظام غذائي لاتباعو كحمية وتكوني ما قصرتي والله الف شكر ومنوةر عالم اربد عن جد احنا كتير تشرفنا فيكي

Princess كتب:

اهلا بكى
منور المنتدى دائما بمواضيعك الرائعة


لو امكن سؤال
هل تناول السكريات بالنسبة للمرضعة من الاشياء التى ممكن تؤثر على رشاقتها
او زيادة فى وزنها؟؟

اهلا فيكي حبيبتي
بالنسبة للمرأة المرضعه ما في نوع اكل معين ممكن يزيد ادرار الحليب دون غيره
ومتلها متل اي ست ما بترضع فهيه معرضه لزيادة الوزن صح احتياجاتها بتكون اكتر ب 400 سعر حراري تقريبا من يللي ما بترضع بس هاد ما بعني انه بامكانها تزيد من الحلويات بصوره كبير
لهيك لازم تعتدل في كل شي

الشكر لك ولتواصلك معنا
يا هلا بك دائما منورة فى سماء عالم اربد

اهلا وسهلا فيكي مهندسة صفاي

بنتشرف بوجودك بيناتنا في المنتدى

شكراااااااااااااا كتييييييييير الكم

إيمان كتب:

الله يخليكي ويبارك بعمرك دكتوراه بس لو فيكي تعطيني نظام غذائي لاتباعو كحمية وتكوني ما قصرتي والله الف شكر ومنوةر عالم اربد عن جد احنا كتير تشرفنا فيكي

اكيد حبيبتي انا جاهزه بس يا ريت تعتيلي ايميلك وطولك ووزنك برساله

الشكر لك ولوجودك بيناتنا


طيب ازا مافيها غلبة

في خبيرة قالتلي انه خبز التوست بيزيد الوزن متل الخبز العادي

وناس بيقولولي لا اخف من الخبز العادي

شو رايك بهالكلام

الحلم الضائع كتب:

الشكر لك ولوجودك بيناتنا


طيب ازا مافيها غلبة

في خبيرة قالتلي انه خبز التوست بيزيد الوزن متل الخبز العادي

وناس بيقولولي لا اخف من الخبز العادي

شو رايك بهالكلام

اهلا فيكي هلأ هاي الشغله بتعتمد عالكميه يعني 4 قطع من خبز التوست بتساوي رغيف خبز صغير
فالشغله بتعتمد عالكميه مو اكتر

منوره المنتدى اختي
بس حاب اعرف اذا الخبز الاسمر ما بينصح زي الخبز العادي ؟

محمد44 كتب:

منوره المنتدى اختي
بس حاب اعرف اذا الخبز الاسمر ما بينصح زي الخبز العادي ؟

اهلا فيك اخي
الخبز الاسمر فيه نفس السعرات الحراريه الموجوده في الخبز العادي
لكن الفرق انه الخبز الاسمر فيه الياف اكتر لانه فيه نخالة القمح وبالتالي بعطيك شعور بالشبع لمدة اطول والالياف اللي فيه بتساعد على عدم تخزين الدهون في جسمك بالاضافة للفوائد الصحية الاخرى

منوره

مشكوووووووووووووووووووورة مهندسة صفاء على تواصلك واجاباتك الوافية لجميع الاسئلة

شكرا كتير الك اختي
بس اذا ما فيها غلبه وصفة الكمون والزنجبيل والليمون لسد الشهيه
هل هي مفيده ام لا يعني
هل هي فعلا تسد الشهيه
وتنزل الوزن ؟

وانا حابة اسألك مهندسة صفاء عن مشروب (الزنجبيل والقرفة) هل هو فعلا بساعد على انقاص الوزن ؟!!

محمد44 كتب:

شكرا كتير الك اختي
بس اذا ما فيها غلبه وصفة الكمون والزنجبيل والليمون لسد الشهيه
هل هي مفيده ام لا يعني
هل هي فعلا تسد الشهيه
وتنزل الوزن ؟

اهلا
بالنسبه لهادي الوصفات والاعشاب صراحة ما بنصح حد يقرب عليها لانه زيادتها مشكله وما في اي دراسات بتحكي انها بتفيد
لهيك ما علينا غير نخفف اكلنا ونظمه ونزيد حركتنا

c0n@n كتب:

وانا حابة اسألك مهندسة صفاء عن مشروب (الزنجبيل والقرفة) هل هو فعلا بساعد على انقاص الوزن ؟!!

متل ما جاوبت الاخ قبلك ما بنصح ابدا باستخدام الاعشاب لانه ضررها اكتر في حالة الزيادة
بس علينا تنظيم الاكل وتخفيفه وزيادة النشاط الرياضي وان شالله كل شي تمام
بس بالنسبة للقرفه فيها ماده بتساعد على الهضم لهيك ممكن تاخديها بعد اكله دسمة بس بدون سكر

هلا فيكي مهندسة صفاء ونورتي المنتدى ومشكورة على الاجابات المفيدة والرائعة بس سؤالي بالنسبة للقولون بشو بتنصحيني

theredrose كتب:

هلا فيكي مهندسة صفاء ونورتي المنتدى ومشكورة على الاجابات المفيدة والرائعة بس سؤالي بالنسبة للقولون بشو بتنصحيني

اهلااا
كل شخص بيختلف عن التاني بنسبة تحسسه للاطعمه بس لازم الواحد يقسم وجباته ل 5 ويكونو خفاف وصغار وريح القولون كل فترة
ويبعد عن الاكل الدسم يللي فيه دهون عاليه متل اللحوم والمقالي
كمان يبعد عن الاكل يللي بحتوي على بهاراتت حارة وقويه
كمان ممكن المشروبات الغازيه تأثر
والكافيين الموجود بالقهوه والشاي والشوكولا كمان
بس بالاخر برجع بحكي كل شخص بفرق عن التاني