اربد

منتدى معلومات عامة
 
صفحة الاعلاناتالرئيسيةبحـثالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

pubacademy.ace.st--!>
pubacademy.ace.st--!>

شاطر | 
 

 تفاصيل قصة روضة السايبي , فضيحة روضة السايبي على قناة حنبعل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Jasmine collar




مُساهمةموضوع: تفاصيل قصة روضة السايبي , فضيحة روضة السايبي على قناة حنبعل    9/12/2011, 23:44


ما هي تفاصيل قصة روضة السايبي
ما هي تفاصيل قصة روضة السايبي

منقول عن احد الصحفيين التونسيين

روضة السايبي: في ابعاد الجلسة الاخيرة لبرلمان الدّمى المتحرّكة
ما لقيتش حتى عنوان آخر للجلسة التاريخية لمجلس الأمّة بتاريخ 7 فيفيري 2011، الا أني نسميها بإسم الشخصية الأبرز و اللي برزت بصراحتها الكبيرة و الرجولية اللي هبطت عليها فجأة بعد ما كانت هي و أسرتها يمثلوا نسخة مخبرية مصغّرة عن عائلة بن علي و زوجته الطرابلسية . تبّعوا مليح:
روضة السايبي سيّداتي سادتي هي حرم السيّد منذر ثابت. وهي كذلك نائبة في مسرح الدّمي المتحرّكة ( اللي كان بن علي يحبّ يسمّيه برلمان ) عن الحزب الاجتماعي التحرري. علما و أنّ السيّد منذر ثابت هو نائب في نفس البرلمان المذكور كممثل عن الحزب الاجتماعي التحرري ، و هو في نفس الوقت رئيس الحزب الاجتماعي التحرّري. يعني أنّ الأسرة التحرّرية المحترمة كانت تتمتّع بمنحة شهرية قدرها 5 آلاف دينار من فلوس دافع الضرائب التونسي زيادة على الامتيازات العينية الأخرى و الاستدعاءات الخصوصية لقصر قرطاج لسي المنذر من طرف بن علي ، و الحضور الدّائم في نشرات الاخبار.
من ناحية أخرى ، السيّد منذر ثابت هو الوحيد بين قادة الأحزاب الطفيلية اللي كان يحفظ عن ظهر قلب دوره في مسرحية الدّمى المتحرّكة متاع بن علي و كان الآداء متاعو فوق كل شبهة بل أنّو في كثير من الأحيان يخرج عن النّص و يرتجل. من اهمّ ابداعاته في هذا المجال هو تقدّمه بمشروع تنقيح جديد للدّستور يمكّن رئيس الجمهورية من سقف آخر للعمر الاقصى للترشّح. علما و أنو يعرف بينو و بين روحو انّو بن علي وفات الصلوحية متاعو عندها مدّة، الا انّو ككل تاجر غشاش يتعمّد بيع الياغورت الفاسد على انّه صالح، واصل المناشدة لآخر يوم من ايام بن علي.
يقول القائل شكونهم افراد العائلة التحررية و علاش افامهم مسكّرة طوال المدّة الفارطة ، و علاش هبط عليهم الوحي فجأة. للتذكير السيّدة روضة هي نائبة عن ولاية سيدي بوزيد، الولاية اللي شهدت انطلاق الثورة و كانت الاوضاع فيها محتقنة منذ سنوات ، علاش السيّدة الفاضلة ما تكلمتش على جهتها ؟ علاش السيّدة الفاضلة ما ورّاتش فصاحة اللسان اللي عندها (و اللي بالمناسبة تذكّر بحارزة الحمام ايام زمان) ؟ وين كانت طوال شهر ديسمبر وقت اللي المظاهرات كانت يومية في سيدي بوزيد و كان الاهالي يتحمّلو لوحدهم ضغط القوة البوليسية متاع بن علي تحت التعتيم الاعلامي المعهود في مثل هذه المناسبات.
الاسئلة هاذي و غيرها موش صعيب برشة الاجابة عليهم، لانو في شهر ديسمبر الامور لاباس و النظام واقف على ساقيه و الأمن شادّ روحو و التجمّع لاباس و المنحة موجودة و ربي يخليلنا بن علي.
مبعد وقت اللي هرب بن علي ، اتضح انو سي المنذر ثابت في وضعية تسلل، لأنّ اعضاء الحزب متاعو حبّو يتبرّؤو منّو و ينظفوا ملابسهم الداخلية بمسحها في رئيس الحزب، و رحم الله شهداء الثورة و ديما يمشي.
حتى في المرحلة هاذي، السيّدة روضة ما كانتش عاطية اهمية للموضوع. يكفي انّها متمتّعة بالمنحة البرلمانية . و بقلة للباقي.
لكن البارح السيّد رئيس المجلس نطق الكلمة السحرية اللي فيّقت جماعة التحرّري ، و خلاتهم ينطقوا كيما البرابول مبعد الباتش..
رئيس المجلس قال اللي المجلس باش يتحلّ ... مما يعني .. المنحة البرلمانية .. الامتيازات .. الحصانة .. الحزب .. لكلو يمشي في خبر كان..
خمسة ملاين في الشهر تمشي هكاكة ؟؟ مهبول اللي يعتقد انّ جماعة التحرّري سوف يسكتون .. كلا و الف كلا ..
يلزم نطلعو لفوق هههههههه كيما جماعة لي مونتانيار متاع الثورة الفرنسية هههههههه ، و طلعت السيّدة روضة في المقاعد العليا ، و عملت عركة و صياح و تقطيع شعر ...
ملا برلمان و ملا احزاب و ملا مواقف يحطو في ارواحهم فيها ..
حاصيلو ناس بكري قالو اللي اذا كان الكلام فضة فالسكوت ذهب ، و الجماعة عملو استعراض بهامة من الطراز الرفيع.. استعراض قلابس من غير مؤطر.. من غير نصّ.. من غير مخرج
انا تمنيت لوكان قدمو استقالة جماعية و كفى الله المؤمنين القتال .. على الاقل تبقى الصورة المبهمة و الضبابية متاعهم كمعارضين وهميين، قفافة وقت السلم و قوّادة زمن الثورة...خارجين من الحكومة وقت بن علي و مقصين من كل تمثيل بعد الثورة.
و يقعدلهم ما يستروا بيه انفسهم، اما للاسف.. البارح سقطت ورقة التوت و كافة اوراق الاشجار و اوراق السلق و المعدنوس و الكلافز و الخضروات المعروف منها و المجهول .. قعدو عرايا من كل شيء..
يهددوا في بعضهم بنزع الشرعية ..
و كيما قالت المدوّنة سنية مخلوف:
وين القبقاب يا و سيلة عيّط للحارزة روضة ايجا يا خديجة نشفلو شرعيته. حماة الحمى. ايّا الثورة شاحت البس دبشك. روّح

الرجوع الى أعلى الصفحة اذهب الى الأسفل
theredrose




مُساهمةموضوع: رد: تفاصيل قصة روضة السايبي , فضيحة روضة السايبي على قناة حنبعل    10/12/2011, 17:52

يعني ناس ما بتعمل شي او بتعمل شي فارط وبتقبض ملايين وناس على الهامش والشغلة منتشرة بكل العالم
الرجوع الى أعلى الصفحة اذهب الى الأسفل
 
تفاصيل قصة روضة السايبي , فضيحة روضة السايبي على قناة حنبعل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اربد :: منتدى الاسرة :: منوعات عربية :: منوعات عربية-
انتقل الى: