ملينا من ال350 دينار وتنكة البنزين ب 12 دينار والجمرك 200% والمنح اللي بتيجينا من الخليج وبتنسرق وبتنهب
بيان ناري لتنسيقية احرار الشمال: الوضع على وشك الانفجار
اصدرت تنسيقية احرار الشمال بيانا اشارت فيه الى الوضع الراهن في الاردن واصفة الموقف انه على وشك الانفجار وأن لا أحد سيستطيع احتواء الشارع ما لم تطبق الملكية الدستورية ، فيما بينت في الخطاب الناري النقاط الجوهرية لتداعي الوضع، و فيما يلي نص البيان:
بيان صادر عن تنسيقية احرار الشمال: نعم للحكومة المنتخبة
ان الوضع على وشك الانفجار ولا يستطيع احد كائن من يكون ان يتمالك الامر ويحتوي الشارع حتى الملك نفسه، ما لم تطبق الملكية الدستورية كمحتوى ومضمون صحيحين بغض النظر عن المصطلحات والمرادفات السياسية... سواء ملكية دستورية، نيابية ملكية، حكومة منتخبة، بطيخ اصفر... المهم الشعب يحكم ويحاسب نفسه
الاغلبية من الاردنيين والشرق اردنيين بالاخص (مع اننا لا نحبذ هذا المصطلح فكل من يملك جواز اردني هو اردني) اغلبية كبيرة منهم سئمت الوضع المطقع في البلد وتوغل المخابرات وتطاول النظام على المال العام و و و... و
نقول للعنصريين والمشككين الذين يتهمون ان الفلسطينيين هم اساس الحارك في الشارع وان الملكية الدستورية هي بداية الوطن البديل اقول لهم انكم مخطؤون... فالحراك اساسه والاكثرية فيه من الاردنيين... وان لم تطبق الملكية الدستورية والحكومة المنتخبة باسرع وقت فان الاردنيين هم من سيصعدون ويطالبون ويحركون... ونحن كاردنيين سوف نرضى باي رئيس حكومة اردني كان او فلسطيني مادام سيقوم بواجباته بالكامل ويحسن من الوضع المعيشي ومادمنا نستطيع ملاحقته ومحاسبته في حال اخطأ
ملينا من ال350 دينار وتنكة البنزين ب 12 دينار والجمرك 200% والمنح اللي بتيجينا من الخليج وبتنسرق وبتنهب، مش قايلين بدنا رواتب 1000 دينار من اولها ولا المعنى الجمرك يلتغي بالكامل ولا البنزين ببلاش، بس اشي ومنو يا ناس
كل يوم منسمع سوالف بتحط العقل بالكف: الاردن عندو اكبر مخزون في العالم من الصخر الزيتي واليورانيوم واللي مش مصدق هي اللينكات
كثير من الناس اللي بشتغلو وبسكنو بمنطقة الريشة والمفرق يقسمون بالله مليون يمين انو شافو النفط فاقع من الارض وطايش عالوجه وبالنهاية الحكومة بتحكي كميات قليلة لا تغطي كلفة استخراجها !!! وبعديـــــن !!؟!؟!
من وين الناس بتجيب مصاري القصور اللي بعبدون ودير غبار ونحن البسطاء الواقع لا يسمح لنا ان نطمح باكثر من شقة بسيطة، غير السيارات اللي ما بنقدر حتى نتخيلها بالحلم، وكل يوم طلعة وسهرة بارقى المطاعم والمحلات والكافيهات ناهيك عن البارات والحرام
وهذا لا يعني انو اذا صار حكومة منتخبة ثاني يوم كل الشعب راح يصير معو مصاري ويغتني، لكن ستنفتح فرص التنافس الشريف بدون الواسطات والفساد للي ناوي يشتغل ويصير ويتعب على حالو، بصير اللي درس 5 سنين بالجامعة واهلو دفعو دم قلبهم عليه بصير اقل ما فيها يشتغل براتب 500 دينار كبداية اذا مش اكثر، بصير في تنمية مشاريع بالمحافظات بدل ما الشباب يعانو من المواصلات والروحة والجيه على عمان ولما يفكر يسكن بطلع ملحوق اخر الشهر، بتصير تشتري سيارة عقد الحال بسعر قريب من سعرها الطبيعي زي باقي الدول بدل ما تشتريها ب 4000 دينار بعد الجمرك وهي حقها 1500 دينار قبل، بتصير لما بدك تطلع رحلة تبطل تحسب مليون حساب للبنزين والعدة واللوازم وال وال ...
نعم للحكومة المنتخبة...
موضوع: ملينا من ال350 دينار وتنكة البنزين ب 12 دينار والجمرك 200% والمنح اللي بتيجينا من الخليج وبتنسرق وبتنهب 
9/11/2011, 23:16
