اربد

منتدى معلومات عامة
 
صفحة الاعلاناتالرئيسيةبحـثالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

pubacademy.ace.st--!>
pubacademy.ace.st--!>

شاطر | 
 

 أحلى ما كتب الشعراء في العتاب و الندم والتجريح و الفراق و الخيانة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Princess




مُساهمةموضوع: أحلى ما كتب الشعراء في العتاب و الندم والتجريح و الفراق و الخيانة   30/10/2011, 18:40

[ندعوك للتسجيل في المنتدى أو التعريف بنفسك لمعاينة هذه الصورة]

/أحلى ما كتب الشعراء في

العتاب و الندم والتجريح و الفراق و الخيانة





غيرت رأيي فيك واخترت فرقاك

الله مع الأيام يغنيك ويغنيني

ما عاد أبي شوفت خيالك ورؤياك

حاول تبعد عن خيالي وعيني



للصبر أخر خلاص عافك الخاطر
حاولة امسح ذكراك لكن ماني بقادر

روح ابعد بس يكفيني جراح
لا ترخى راح ذاك الحب راح
خلني بعيش بعدك مستريح
ما يسح الجرح غير الجريح
لا انته ولا غيرك


لا انته ولا غيرك ولا حتى السنين السود
تخلي دمعتي تنزل على خدي واكفكفها
انا ادري منيتك انك تشوفني وانا مهدود
ولكن اغسل يدك محال ادموعي اذرفها
احبك كنت انا احبك وحبك كان بي موجود
ولكن عشرتك هالحين انا من قلب عايفها
عطيتك كل ما املك ولا فكرت بالمردود
وكلما تصدمني بجرح اقول احباب طوفها
تقول الخطاء وارد وانا اقول الصبر بحدود
ولا انت درس علمني عطايا القلب اطرفها
انا ماني هذاك اللي اذا ضاقت عليه يعود
انا يالضيقه تنسفني يا اما الضيقه انسفها


صار يتغلى علينا ما يعجبه شي فينا
مادرى إحنا بغلانا ما نبي اللي ما يبينا


ماني بميت لي نسيتي غرامي
ببكي عليه أيام لحد منسى

صرت منهم وفيهم صرت خاتم بأيديهم
بعت قلبك عليهم ليتهم يشترونك

يا خسارة وقت في حبك قضيته
ضاعت أحداثه هدر طول الليالي
روح أنا ماني متحسف إبعادك
بس اعزي من بيرضابك بدالي

مات الغرام اللي لك بداخلي مات
ما عاد ينفعك العذر لو تعذر
مقدر خلاص اتحمل اليوم غلطات
مكذب عليك انا بديت اتغير
كنت احسب انك معاي بتم
لكن للأسف ظهرت شخص خاين
ما تعرف المحبة و الشجون
والي في داخلك
بقايا إنسان لا اكثر ولا اقليا خسارة
لينتني ما سلمتك القلب والحين أرجوك ارحل لا تبرر أعذارك


أما أنا بعتك ولا يمكن اشريك
صورة وملت شوفها نظرة العين

لو تندمتي وناديتي تعال ما تغير صرخة احساسك علي
كيف ونتي للكبر صرتي مثال وانطويتي بدنيتي أحلام طي
الغرور يحطم اخسور الوصال يعمي عيونك ترى عن كل ضي


دمعتي سالت على شانك ضحيه
ما رحمتي دمع جرح موق عيني
من هو المسؤول عن عمر تحطم
من هو اللي باع خله خبريني

قالت انت تبين انك مستهين وانت روحك من عنا البعد اطلعت
زين ابسال دام قلبك ما يلين ليش عينك يوم قفيت ادمعت
قلت انا باسي قوي لو ترجعين صدقيني عمر نفسي ما اخضعت
وكان قصدج دمعتي لا تفرحين شعرة دشت بعيني واطلعت


ياللي تطالع وكنك ما تطالعني
نظرتك هذي حبيبي لا تكررها

حبك اصبح شيء عادي ماله تأثير بفؤادي
كنت في لماضي حبيبي يوم قلبك لي ينادي

ضحكوا عليك وغيروك سويت نفسك مضحكه
غروك بالقوال وغروك عشان خلك تتركه
غافل ودادك وانهبوك ساكن ما رمت اتحركه
صدقتهم بس اخدعوك وين الهوى لي تملكه

صبرت وقلت يمكن يوم أغير فيك نظراتي
نصحتك الأسف مرات ولا كنك سمعتيها

عطيتك الفين فرصه يمكن ألقابك
قلبا يعرف ويقدر قيمتي وقدري

لا معتذر منك ولو كنت معذور

نعم معك بلذات لي طبع ثاني


بس انسي أني كنت في يوم مذبح
عليت من شانك وطية شأني


يكفي ظلم إنسان يغليك


عيد النظر يا صاحب الراي

ساعات أحس آني عن الناس فل حال
وساعات أضحك من قسى وقتي وأبكي

رحل عنك ولا وداك ولا أظنه بعد يرجع
تصبر بالندم و اقنع ترى هذا طبع دنياك
خسارة خاب ظنك خاب نسونا اقرب الأحباب
فتحنا للمحبه باب وضيعني أنا وياك
متى ما اصفق اكفوفي من آلي يصدق ويوفي


أنا ما وعدتك بنهاية سعيده ... ولاقلت أني وفي ما أخون...
أنا ما رسمتك لأبد حبيب... ولاحلفت لغيرك ما أكون...
أشتبي أكثر كل شي مفهوم... أنتهى الوقت وروح بسكون...
اسحب قلبك من أرضي بمودة... وأحرق الشوق بدمع العيون..
وأذبل مع ذكرى المحبة... ماهمني عذابك والجنون...
أسفه..وقت غيرك ما أضيعه... لاتحسب قلبي طيب حنون...



السبب واضح ولا عندي سبب؟
كل شي راح واتحمل خطاك
لا تحاول تتصل هذا صعب
روح دور عالذي من مستواك

حسك تقول ان انا مقدر على بعدك
انا اقدر انساك واسيبك للضنى وحدك
قلبي بيدي وانا اللي قلت له يهواك
وان قلت له ينسى لحظه والله ترى ينساك
لو حد جاء لك وقال ان انا ابيك
حسك تصدق ترى ما عاد افكر فيك

بيني وبينك الأيام روح بدل العام أعوام
مانته أول من جرح قلبي روح بيني وبينك الأيام

ما أبي اسمع رجاوي ما أبي اسمع حلوف
كل عاشق يخطي مرة وانته تخطي بلاوف

طحت من عيني خلاص دور على غيري بديل
ما تنفعك كلمة سماح ولا كثرة الدمع الهميل
ذاك الزمن ولى وراح وهذا جزى كل من يعيل
لا فيك خير ولا صلاح خنت العهد بعت الجميل
خلاص يكفيني جراح ورقمك محيته من الدليل

تسليتوا عن اللي ما نسيكم وخنتوا عهدي أوصافي زمانك
وخليتوا محب يهتويكم على نار الصبر يرقب بيانك
احب الشوك لان الورد فيكم أبيع العمر في شفك او شانك
أنا الزعلان واتغلا عليكم انا شرهان السبه هوانك
زعلت ازعل والله مرتضيكم رحلت ارحل وربك في املنك

استغنيت انا عنك خل ينفعك ظنك
خلك تذوق الجرح تذكر زمان راح يمكن يفيدك ظنك

روح يا خوان ما عندك ضمير
استدار الوقت واكشف لي هواك

يوم يتني من اقرب صاحب اصدمتني
كل شيء في عيوني تحطم وهان

يا من عطيته ودادي ويا من لحبه وفيت
طعنتني في فؤادي خساره اما عطيت




بعاند كل أحاسيسي وأبدا خطوت النسيان
ومتى ما زارني طيفك بقوله روح يا خّوان

روح لهم وش تبي بي قريب جرحي يطيبي
رحمة الله حبيبي ولا رحمة عيونك

في ذمتك هذا كلام كل يوم لك حب و غرام
مانته صغير أعلمك الغش في الدنيا حرام
ماني وليك أحاسبك ولاني غلاك أغاتبك
ولاني حرس و راقبك صدفة لقيتك و السلام
حبيت أبين لك و أقول لو تعتبر قولي فضول
من كان سهل في الحصول ما هو ترى قد الهيام


راح تعرف أن حبي مع مرور الوقت صايب
راح تعرف في النهاية ما حد يعوض مكاني
راح يكشف لك زمانك من هو اللي كان طيب
ومن هو اللي لجل خله عاند ضروف الزماني
هذي الدنيا غريبة... صعب تلقى لك حبايب
قلتها لك مالبداية صعب يوفي لك أناني

خذ راحتك صبري على بعدك كبير
لا تنزعج مني ابد دنياك عاشرها وسير
لا تتعب أفكارك معاي أنا مجرد ذكريات
راحت مع أحلام السنين هذا المقدر والمصير
خذ راحتك عيش الهنا عيش الوفا مع من تريد
عسى الليالي تسعدك وتهنى مع الجو الجديد


قل كلام يشرح الخاط او ارحل
لا تطولها وهي عندي قصيرة
ولو تبي تزعل وانا ما خطيت ازعل
وابتعد ما دامت الدنيا كبير

اللعبة
سامحيني .. خانتك نظرة عيوني يوم شفتك للأسف لحظة لقانا كنت أظنك شخص ثاني
جت عيوني في عيونك .. صدقيني ما عرفتك!أعتذر قلبي تغير .. مثل ما قلبك نساني
التقينا ومالتقينا .. كفي بكفك .. لمستك لكن شعوري تبدل .. أعترف غيرك خذاني
مالوم نفسي .. لو بنسياني جرحتك ما بقالي منك ذكرى غير جرح في كياني
كنت أنا طفل .. وكنتي لعبة يا كم عشقتك كانت دموعي تصبب لو يخبونك ثواني
أشكي من فرقاك وإنتي جامدة في ثوب صمتك لعبة ما يوم حست في معاناتي وحناني
من طرف واحد هويتك .. حلم أيامي رسمتك وأثرني مخدوع لما ,, كنت أظن قلبك مكاني
سامحيني .. واعذريني .. لو صرختي وما سمعتك للأسف صوتك تغير .. صرت أظنه صوت ثاني!!


في ذمتك هذا كلام كل يوم لك حب و غرام
مانته صغير أعلمك الغش في الدنيا حرام
ماني وليك أحاسبك ولاني غلاك أغاتبك
ولاني حرس و راقبك صدفة لقيتك و السلام هذي الدنيا غريبة...





صقر لقيته مسقاي سم مكسور جناحه من أصحابه طايح على الأرض وينزف دم ويبكي من حر ما صابه حنيت له يوم يتألم والدمع قاطر من أهدابه أخذت عنه حمول الهم عامين أراعيه وأشقابه ويوم طار ما سلم قطع وريدي بمخلابه!


ياللي زعلت

ياللي زعلت إزعل ولاني مراضيك ..... أشرب كدر ماي البحر كانه أرضاك

لا تحسب أني عقب صدك بداريك ..... بأعز نفسي عنك مدراك مدراك

أربع سنين وأنا متحمل تغليك ..... راضي بتعذيبك لأجل قلبٍ أغلاك

وخليتني واليوم والله لأخليك ..... وأدوس قلبي لينه يقول خلاك

قبل توريني الحساير بأوريك ..... ليمن يقال فلان هانك و ورآك

كانك تحداني فأنا أقبل تحديك ..... وأنسى الغرام اللي مضى وأتحداك

ماني بقايل لك عسى الله يهنيك ..... الله يحرمك كل ما كان هنّاك

عسى العمى ياخين العهد يعميك ..... فوق الغرور اللي عن الماضي أعماك

وعساك ما تسمع قريب يناديك ..... حيثك تجاهل صوت محروم ناداك

وعسى الشلل يعوق رجلٍ تمشيك ..... لينك تندم ليه غيرت ممشاك

وعسى حياتك بس فرحة لشانيك ..... يلقى بها الفرصة عدوك ويشناك

وعسى الليالي اللي تجيني بطاريك ..... يصبح عليها الصبح ويموت طرياك

وعسى المنام وكل راحة تجافيك ..... آمين حتى اللي تمناه يجفاك

وعساك ما تفرح وتكثر بلاويك ..... وأمك تشق الجيب من عظم بلواك

وإلى مت جعلك في جهنم تصاليك ..... نار الجحيم ونار دنياك تصلاك

الله يكره فيك حتى دوانيك ..... غشاش خاين من من الناس داناك

هذه النهاية روح والله يجازيك ..... أمسك ويومك عنهم الغد يجزاك


الرجوع الى أعلى الصفحة اذهب الى الأسفل
غسان الحواري-السلط




مُساهمةموضوع: شعب كشر نكدي   31/10/2011, 02:09

نحن شعب الاردن يطلق علينا شعب نكدي وكشر
فاصبحت من سماتنا بين الاشقاء العرب باننا كشريين
وعلى قولة السوريين ما بنظحك لرغيف خبز سخن
حرام ارحمونا وارحموا شبابنا يا حبايب
مش ناقصين هم وغم وسم ونكد
شوفولنا مواضيع بتفرفح
مواضيع بتفرج هم العشاق
والشباب التعبانين من تعجرف الفتيات
وشروط اهاليهم ومتطلباتهم للزواج الذي اصبح احد عجائب الدنيا التسعين



ودمتم
الرجوع الى أعلى الصفحة اذهب الى الأسفل
Princess




مُساهمةموضوع: رد: أحلى ما كتب الشعراء في العتاب و الندم والتجريح و الفراق و الخيانة   31/10/2011, 02:14

هلا بك اخى

الموضوع ظاهر من عنوانه انه فى العتاب و الندم والتجريح و الفراق و الخيانة

والقسم يحتوى على مواضيع كثيرة للفرح وعن العشاق اختار منها ما شئت
الرجوع الى أعلى الصفحة اذهب الى الأسفل
 
أحلى ما كتب الشعراء في العتاب و الندم والتجريح و الفراق و الخيانة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اربد :: المنتدى العلمي :: ادب و شعر :: قسم الشعر و الخواطر-
انتقل الى: