اربد

منتدى معلومات عامة
 
صفحة الاعلاناتالرئيسيةبحـثالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

pubacademy.ace.st--!>
pubacademy.ace.st--!>

شاطر | 
 

 حكاية ثورة 17 فبراير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Princess




مُساهمةموضوع: حكاية ثورة 17 فبراير   20/10/2011, 07:09

حكاية ثورة 17 فبراير

حكاية هالثورة نحكيـــــها قصة ثورة شعب وثار

بالدم الغـــالي نرويـــــــها نحكيلك ويش اللي صار

نحكيلك ويش اللي فيـهــــــا ثورة ناس أمجاد أحرار

داروا له ثورة في جـيها تمت هــــالثورة جرجـــــــار

وناضن له كل جلاويـــــــها ايطفــــي نار وتولع نار

ولعت عاد ويش يطفــيها حاس تحـــــاوس نين احتار

وكبرت مايقدرش عليها لو دار اللـــــــي ما يـــنـــدار

لو جــاب عبيد وهو يبيها يا يـــحـكم يا يـــدير دمــــار

وجاب بنادق شايل فيها عيره و مقوّي العـــــيــــــار

كـــراهب والرشاش عليـــها اتقتل في كبــــار وفي صغار

وطيــــارات يـــحوّم بيها يرمي وهي ترمي في نار

وجــــاب مدافع وموصّـيها تقول ايقــتّـــل في كفّار

ودبـّاباته مش نــــاسيها وهو جـــــيشه تمّا جرّار

حرامــــيها يبـــّـــي يحميها استر يا ساتر يا ستّار

وقال عيـــــال وناس سفيهة راهم ماهـــــــمـــشي ثوّار

وقال حــــبوب وثــاروا بيها اسّــبــّــل بالقــــملة والفار

بمـــشاطه يبّي يفـــلــيها زنقه زنقه دار بــــــدار

شبــــر بــشــبر يكيّل فيها يــــهدّد فيـــنا ليل نهار

وخـــانس في جــيها بانــيها دورن دايـــر بالاسوار

هو وعياله عاشـــوا فيها سجن كبــير وفيــه أسرار

عــــــيله ربّي يعلم بيها عيـــلة خُوّان و كفّار

وربي من عنده باليـــــــها كذب وزيف وخوف وعار

وبكره انـــجوه وما يبّيها ويبقى يلفق في الاعذار

اللي أعذاره ويش نسميها عذر أقبح من ذنب اندار

ناس طـــــردها وامجلّيها ويـــاما قتّل ناس اكثار

وناس حبســها يوم نسيها غابـــوا عن لمحة الانظار

ويــــاما نـــاس يعذب فيها ذوّقــــــها مــن كــل مرار

ونـــاس خطفها ومواريها راحوا مــــالهمشي دوّار

وناس قــــراب ويفتن فيها فرّق خــــوت وباعد جار

نهب ثروتــنا ومخلّيــها بلاد خلا من غير اعمار

وخــــلّا سافلها عاليها شــــي خراب وشي دمار

أفعــــاله ماحد غابي فيها زاد طــغى في الظلم وجار

ولــيـبـــيا حرّة وهو سابيها يــــامـــالا يــــالاســـتعمار

وثــــورتنا ربـّي محيّيها وبــاذن الله نـــجـــلّوا العار

الثـــورة متـّـــحدين عليها مش بمعمر بالـمخـــتـار

وجـــاه الدور وهو باديها بالسيه والدنـــيـــا أدوار

غير يشقى بروحه ينجّيها مالنــاس الــلــــي يبّوا ثار

وكان يتبع يرحل يعطيها جاه المــــوت وراسه طار
الرجوع الى أعلى الصفحة اذهب الى الأسفل
theredrose




مُساهمةموضوع: رد: حكاية ثورة 17 فبراير   21/10/2011, 02:53

شعر قوي ورائع وما في اجمل من الثورات على الظلم
الرجوع الى أعلى الصفحة اذهب الى الأسفل
 
حكاية ثورة 17 فبراير
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اربد :: المنتدى العلمي :: ادب و شعر :: قسم الشعر و الخواطر-
انتقل الى: