[ندعوك للتسجيل في المنتدى أو التعريف بنفسك لمعاينة هذه الصورة]يا بختك يا طير يا بختك
بين البلاد بتطير براحتك
ولاحد بيقولك فين جوازك
ولا حتى فينها بطاقتك
يابختك يا طير بتهاجر
وبراحتك ف أى وقت بتسافر
ولا شاغل بالك بتصاريح
ولا حتى بفيزا ولا تذاكر
يابختك يا طير جدع شاطر
بتلف العالم وتغير مناظر
بتبقى متعشى ف مصر بليل
والصبح تصبح ف اليونان فاطر
يا بختك يا طير لا بتركب طيارة
ولا بتستنى تاخد تصاريح من سفارة
ياسلام ياطير لو تستجدع معايا
وتبعتلى من بلاد بره فيزة زيارة
موضوع: يا بختك يا طير 
14/10/2011, 15:25
