ياصاحبي وين انت وين انت وين انت؟؟
دورت لك ضاعت علي العناوين
يفداك قلب ن من صميمه تمكنت
وتفداك واشنطن وجاوة وبكين
ويفدوك كل الناس واما انت لاهنت
لاهنت ياشيخ العرب والسلاطين
دونك حياتي مالها طعم وايقنت
اني بليا شوفك من المساكين
من غيبتك جتني هموم وتنكدت
وضاق صدري بي وجتني طواعين
ياللي عن عيوني تخفيت وابعدت
متى الوصول اللي معه تفرح العين
ماعلموك اني على حبك ادمنت
مثل المخدربه حشيش ن وهروين
قالو اعقلي وش فيك وش جاك يابنت
بس المصيبه كيف باكذب على مين
انا بحبك ياحبيبي تكحلت
وصارمكياجي على الوجه نوعين
نوع ن من هموم السهريومك اسهرت
والنوع الاخرحزن ن اخفيه ويبين
شيخ العرب ياليت للعقل حكمت
من قبل تتركني جريح السكاكين
سكين من جورالزمن يومك ابعدت
وسكين جفوة ناس بالقلب قاسين
وسكين نظرات التشفي وانا مت
موتة طريح الحب بس انت قل وين؟
هذاشعوري من خفى الروح بينت
لاجلك فقط وان كان غيرك ملايين
واخشى الامن شفتني قلت مين انت؟
وش جابك بديرة غلا الروح ياالزين