اربد

منتدى معلومات عامة
 
صفحة الاعلاناتالرئيسيةبحـثالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

pubacademy.ace.st--!>
pubacademy.ace.st--!>

شاطر | 
 

  يا الشعر ما جيتك ادوّر مكاسيب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
خالد الرواضيه




مُساهمةموضوع: يا الشعر ما جيتك ادوّر مكاسيب    24/9/2011, 04:44


يا الشعر ما جيتك ادوّر مكاسيب
يغنيني الله عن طمانٍ رقيته

البارحه ضاقت وجيه الاصاحيب
البارحه ما باقي شيٍ خفيته

في ليلهٍ كلٍ يدور معازيب
خليت بيبان الاماره وجيته

سقت الركايب فوق روس المراقيب
ولا وقفٍ إلا على باب بيته

بيت الفقير اللي مضرا على الطيب
تراه اكرم شخص لامن نصيته

يعطيك من قلبه قبل مدة الجييب
يحس في قيمتك واللي بغيته

اليا خذا منك ذكر طيبك بغيب
واليا عطا ما قال: هذا عطيته

ماجيته اشكي قل مال ومواجيب
جيته ادوّر شي (( ابيه ولقيته ))

جيته احس اني من الضيق مانيب
قادر ارد من النفس ما خذيته

مرت ثلاث سنين شعر ومكاتيب
في درب ما احبه ولكن مشيته

في عيون جمهوري وعشاقي مصيب
وفي عيني اكبر ذنب ذنبٍ جنيته

اصبحت شاعر له حفاوه وترحيب
كسبت فوق اللي حسبت وهقيته

لكن خسرت انسان خالي من العيب
والمشكله انه ما جفاني .. جفيته

انسان غير وشفت غيره عذاريب
انسان يوم اني خسرته بكيته

لو القصيد اللي خذا قربه يجيب
بعت القصايد كلها واشتريته

يالشعر لا ياناس روحوا مناديب
عندي كلام ارتاح لامن حكيته

قولوله: اني ماني بقادر اغيب
البعد عنه هدني ما قويته

قولوله: اني عفت كل الرعابيب
الشاهد الله ما عشقت ونسيته

قولوله: ارجع للضلوع المصاويب
للحين ترجي ما بناه وبنيته

الشمس وهي الشمس كل ليله تغيب
وشلون ما يعذرغيابي فديته

وكانه قبل عذري فدته المعازيب
والشعر كله ما كتبت وقريته
الرجوع الى أعلى الصفحة اذهب الى الأسفل
theredrose




مُساهمةموضوع: رد: يا الشعر ما جيتك ادوّر مكاسيب    24/9/2011, 05:19

قصيدة رائعة وجميلة يا خالد
الرجوع الى أعلى الصفحة اذهب الى الأسفل
خالد الرواضيه




مُساهمةموضوع: رد: يا الشعر ما جيتك ادوّر مكاسيب    24/9/2011, 12:18

مرورك الاجمل والاروع
الرجوع الى أعلى الصفحة اذهب الى الأسفل
 
يا الشعر ما جيتك ادوّر مكاسيب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اربد :: المنتدى العلمي :: ادب و شعر :: قسم الشعر و الخواطر-
انتقل الى: