مدينة سرميوني

مدينة سرميوني جميله جداً .. تتميز بالهدوء والجمال وهذي المدينه طل على بحيره اسمها ليجوا دي جاردا في الشمال
يعني البحيره عليها عدة قرى سيرميوني إحدى هذه القرى الصغيره .... مايميز سيرميوني هي شكلها داخل البحيرة

عمومآ البحيرة هذي جميله بكل مافيها من سيرميوني وجاردا والريفا ولازيتس وغيرها

وهي منطقه سياحيه تلاقي الكثير من السياح الأجانب فيها .. وشعبها شعب طيييييييييب جداً ( أصلاً أكثر الشعب شيبان ) .. وصراخه أنا رحت لها بداية شهر 6 كان الجو فيها رهيييييييييييبببب .. ولدي ناس موجودين في سرميوني هذي الفتره يمدحون الجو فيها .. وسرميوني تبعد من روما العاصمه خمس ساعات بالسياره وتبعد عن فينيسيا ساعه ونص تقريباً .. أما بالقطار ما عرف ...؟!
وهلا فيك .. الفرس الأسود
أي سرميوني هي اللي فيها ألعاب ..
والمدينه فيها قلعه يطلق عليها القلعه القديمة وهي فيها الأسواق والمطاعم وطل هذي القلعه على البحيره ..

وفي مدينة ألعاب أسمها GardaLand وفيها ألعاب طيييييييييييييير العقل ..

وبالقرب من مدينة الألعاب في Movie Studios Park .. وهذي يرونك شلون تم صناعة الأفلام الأمريكيه وتمشي في هذي المدينه شوي وتلاقي طرزان جمبك وزورو والشريره اللي في مئة مرقش ومرقش ورامبوووو وتوم وجيري وسكوبي دوب وبتلاقي أنواع وأشكال من الشخصيات المشهوره ..

وبعد يوجد بالقرب منها المدينة المائية وهذي المدينة حلوووووووه للأطفال (عاد هذي مادخلتها بس شكلها حلوه)

ويوجد بعد بالقرب منهم مطعم رهييييب Medieval Jimes Restaurant & Show وهذا المطعم يفتح الساعه 3 و6 ومدة العرض يكون بحدود ساعة ونص إلى ساعتين ..
هذا المطعم عبارة عن أيام الرومان( وبشرط الأكل يكون باليد ) وهو القصة تكون أن أربع شبان يتنافسون مع بعض وفي النهاية اللي يفوز يتزوج الأميرة أبنة الملك وكله هذا يصير وأنتي تاكلين .. أما بالنسبه لزوار المطعم .. ينقسمون إلى أربع أفرقه كل فريق مع شاب واحد وطبعاً التقسيم يقسمنا واحد موجود في الأستقبال يعطينا قبعه وطبعاً أهنا وحظنا لأن القبعات عبارة عن أربع ألوان هم ( الأحمر - الأزرق - الأصفر - الأخضر ) وهم يرمزون لشبان الأربع .. ( بالنسبه لي كان اللون اللي عطوني أياه كان الأصفر وخسارة لان الأصفر خسر ذاك اليوم وفاز الأزرق) .. والحلو في المطعم لازم تفاعلين مع الفرسان الأربع بالتصفيق والصراخ <<<<< من بعده راح صوتي يوم كامل .. وبعد إذا تأخر الأكل دقين برجلج على الأرض هذا عباره عن إحتجاج وإذا ماعجبج الفارس اللي أنتي في فريقه تحتجين عليه بضرب الصحن على الطاوله عل فكره الأرض والطاوله عباره عن خشب ليسهل الضرب ..
وبصراحه هذا المطعم الررررررررررهيب ماينفوت



كيف تروح لها الله يسلمك تقدر تروح لها يعني من ميلانو من فيرونا من فنيسيا البحيره هذي فيها منطقتين يوجد بها سكه للحديد وهي منطقه ديزينزانو وبيسشارا

جمسب ورائع يا خالد