اربد
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

اربد

منتدى معلومات عامة
 
صفحة الاعلاناتالمنشوراتالرئيسيةأحدث الصورالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

 

 لو زهقان

اذهب الى الأسفل 
2 مشترك
كاتب الموضوعرسالة
Princess

Princess



لو زهقان Empty
مُساهمةموضوع: لو زهقان   لو زهقان Icon-new-badge7/9/2011, 01:52

[ندعوك للتسجيل في المنتدى أو التعريف بنفسك لمعاينة هذه الصورة]

المهموم ,الهم,طريقه الانتحار,طفش,ملل,زهق,ضنك,ال? ?نيا,اللعذاب,طفشان,زهقان,را? ?ه

كيفكم حبايبي عساكم بخير
الفتره الاخيره لاحظت شي غريب ان اغلب الناس تشكي الهم والضيق
والكل عنده مشاكل والكل يشكي هالزمن الي خلاني استغرب اعمارنا
بجد في ناس في عمر الزهور 15و16و17 سنه ويوصلو للعشرين صغار ومايناموا الليل
يقولو مهمومين وعندنا مشاكل
بس بجد وش شفتو من الدنيا عشان توصلو لهالحال؟
وش سوا فيكم الزمن وانتو بعد ماطلعتو من بيوت اهليكم حتى

ياجماعه الخير ليه ما نطالع في الناس الي اقل مننا في حياتهم الي مو ملاقين ياكلو
والي مو ملاقين امان ولا راحه بال بجد
اخوانا الي وسط الحروب والي وسط المجازر والي الواحد فيهم مايضمن يعيش الى بكره ولا لا
بجد شي يقهر لاحظت في البلاك بيري ناس حاطه توقيع كاتبين فيه يارب اموت
والي يارب ريحني من حياتي
والي يقول ياريت فيني الجرأه انتحر
ياناس كاتبين هالشي بالعربي يعني مسلمين وعرب

طيب ليه ؟؟؟؟؟
وش فينا
وش اكبر هم ؟
نفسي احط موضوع وكل واحد يكتب اكبر هم في حياته ونشوف همومكم اكبر من قدره الله ولا لا اكيييييييييييد ماهي اكبر طيب طالما عندنا من نرجيه يفرج الهم

ليه نطلب الموت ؟ خلاص ماعاد في ايمان ؟ ولا ثقه بربنا سبحانه ؟

ناس غريبه بجد
يجيك مايصلي ويقول ليه انا حياتي كذا صعبه وكلها طفش وضيق؟
طيب يادرج ماتصلي شتبي يعني تبي تعيش مبسوط غصب؟

ابوريكم محادثه مع واحد من الاخوان الي جاني المسن يقول طفشان

قال ياخي مناف وربي زهق هالدنيا وربي مافيها شي يسلي طفشت وربي
ضحكت وقلت خير؟؟؟
وش فيك على الدنيا ؟
قال بالله مبسوط ؟
قالت الحمد لله قال كداب اكيد متضايق <<لا ياشيخ ههههه
قلت والله مافيني شي الحمد لله احسن من غيري واذا عندي هموم ومشاكل مو لحالي
قال ياخي انا احس ابي اموت
قلت تصلي ؟
قال لا وادري انها الصلاه السبب بس ياخي مو معقول كل هالضيق عشان ما اصلي
ياخي بالله ذا كلام يقوله عاقل ؟؟؟؟
وش الي يقهر
قال ياخي الكفار الي في امريكا مو كلهم طفشانين مع انهم مايصلو طيب ليه انا

بالله من جدك ؟
يعني قمه السخافه عارف المرض وعارف سببه وعارف علاجه بعد وجاي تغثي بامي في المسن
لا وتستشهد بالكفار بعد
مارح اقول لك شف كم حاله انتحار عندهم مارح اقولك ادخل شات امريكي واسئلهم كيف حياتهم
بقول لك ياسخيف
اقرأ قوله تعالى
(وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى )


ماقدرت اكمل معاه المحادثه بجد
ياجماعه ليه هالضيق وش اسبابه وش الحلول اذا عندكم حلول فيزيائيه دام مو عاجبكم الحل الاسلامي
اذا كان في امريكا في عيادات لعلاج الاكتئاب بالقران الكريم
واحنا ندور على حلول فيزيائيه وربي مشكله
على العموم حبيت اطرح لكم هالقصيده لعلها تغير فيكم شي
العين تدمع والرجاء شـئ مفقـود..
..ياويل شخـصٍ مـا يغيـر حياتـه
عايش على ماضي بحاضره موجود..
..كاسيه حتى كاتبـه فـي وصاتـه
ماكنه إلا عن ثرى الكون مطـرود..
..حاله نتيجة جـور مـن ذكرياتـه
ايقول انا عن باقي الخلق مقصـود..
..هـم وعـذاب ولا حصلـه مباتـه
ماهو بشي يطـرد الهـم موعـود..
..ضاعت به الحيله وراجـي مماتـه
يشكي زمانٍ فات والعالـم ارقـود..
..ياليت يرجع مامـن العمـر فاتـه
كم باب في وجهه من الدهر مسدود..
..ويلاه حتى يشتكـي مـن عصاتـه


حاله نحيل وروح الجسـم كالعـود..
..ماعاد تفـرق جثتـه مـن عباتـه
ماهو على مابه من الهـم محسـود..
..والله كفاتـه هــم والله كفـاتـه
هيهات بعد الموت وش ياكل الـدود..
..اللحم لاصق عظم ضاعت صفاتـه
الصبـر زيـن وربنـا عـز داود..
..بعد اللذي عاشـه وزالـت عناتـه
البيض ماهي صافيه .. تاتي السود..
..والعمر لولا الهم .. وش هو حلاته
الله يجلي حرقـة الدهـر بالجـود..
..بالغيث يحيي ماضمر مـن فلاتـه
والطير يسرح خاوي البطن ويعود..
..شبعان مثله .. راجعـاتٍ خواتـه
ياصاحبي .. كلن معه هـم معقـود..
..لكـن كــلٍ دبــر الله ثبـاتـه
ان كان ودك يثبت القـول بشهـود..
..اللي غني وش لون ينفق زكاتـه؟؟
واللي غني حضه من المال ممـدود..
..اليا مرض وش لون تنفع مياتـه!!
جاوب وتعرف عيش منته بمقـرود..
..واحمده ربي واشكره فـي صلاتـه
خلك ذهين وكون شعلـه وبـارود..
..لاتحسب اللي يزهم الارض جاتـه
ماكانت الدنيـا كـذا دون مجهـود..
..ياويل شخـصٍ مـا يغيـر حياتـه

منتظرة تعقيبكم وتعليقكم على الموضوع

الرجوع الى أعلى الصفحة اذهب الى الأسفل
خالد الرواضيه

avatar



لو زهقان Empty
مُساهمةموضوع: رد: لو زهقان   لو زهقان Icon-new-badge7/9/2011, 02:36

مواضيعك مميزه للغايه ورائعه جدا اشكرك على حسن الاختيار
الرجوع الى أعلى الصفحة اذهب الى الأسفل
Princess

Princess



لو زهقان Empty
مُساهمةموضوع: رد: لو زهقان   لو زهقان Icon-new-badge7/9/2011, 02:38

الشكر لك خالد

لو زهقان
الرجوع الى أعلى الصفحة اذهب الى الأسفل
 
لو زهقان
الرجوع الى أعلى الصفحة 
صفحة 1 من اصل 1
 مواضيع مماثلة
-
» خربشات زهقان
» طباخ زهقان شوفوا شو عمل
» طفشان زهقان حاله

صلاحيات هذا المنتدى:لاتستطيع الرد على المواضيع في هذا المنتدى
اربد :: ترفيه :: تسالي و فرفشة :: دردشة اربد-
انتقل الى: