سرطان العنف !!

موضوع: سرطان العنف !! 15/2/2010, 23:13

مرحبا اخوتي واخواتي في موضوع مهم بتمنى نتحاور وبحب اشوف ردود واراء ,

بالفترة الاخيرة كلنا عم نسمع عن مشاكل وخلافات على اشياء تافهه
وللأسف هالاشياء التافهه عم تسلب منا ناس منحبهن ويمكن ما بكون الهن ذنب ,
سرطان العنف : مشكلة خطيرة كتيرر ويوم بعد يوم بدل ما نحل هالمشكلة ما عم نلاقي حلول..

الوضع من سيء الى اسوأ , بالمدارس بالبيوت بالحارات وبكل مكان الا ما يكون في غوشة , طوشة , سموها كيف ما بدكو بس النتيجة وحدة , طيب بديش احكي اكتر من هيك بدي احكي عن السبب, اكيد لكل هالمشاكل والمصايب الي عم بتصير في سبب , وحسب رأيي السبب هو "فيروس الاخلاق " ...

من شغلة تافهه كتير كتير كتير عم بصير مشاكل بتخوف !! السبب الرئيسي انو الناس اليوم بطلت تغدر تسيطر على حالها وهي طفرانه وكيف ما بنعرف الانسان بلحظة غضب بخرب الدنيا وبقتل قتيل وبعمل جرائم بشعة ,

حسب رأيي هاد هو السبب أي اشي بخلينا نفقد اعصابنا بخلينا نسب ونشتم , بخلينا نفكر غلط .. لازم نتغير لازم نكون أوعى وبحب اقول لكل الشباب , مش الشب القوي هو الي بسب وبشتم وبضرب وبنزلهاش واطية لحدا , حسب رأي الشب القوي الجدع والأبضاي هو الي بسيطر على حالو وقت الغضب , وفي حديث للرسول (ص) بقول : "ليس الشديد بالصرعة و إنما الشديد الذي يملك نفسه عند الغضب" بتعرفوا شو , فش اهون منها لما حدا بغلط فيي اسب علي وحتى ابعتلو حدا يطخوو ,

بس احنا لازم نكون اوعى من هيك ولازم اسيطر على حالي وأحل الموقف بشكل سليم بدون مشاكل وهاد مش معناتو اتنازل عن حقي وعن كرامتي بالعكس , كل انسان بوخد حقو ومن حقو يعاقب يلي بغلط فيو بس بأسلوب قوي ومنيح وسليم ..خلينا من اليوم كل واحد يبلش بحالو , وبنصحكوا تجربوا وتبلشوا من انو كل واحد يبلش يتعلم كيف يسيطر على نفسو بوقت الغضب

وصدقوني رح تستفيدو كتير , لما احنا منعد للعشرة او حتى منفكر شوي قبل منعمل اي اشي اكيد رح يساعدنا على حل المشاكل باسلوب سلمي وحواري واسلوب متميز وذكي , كل انسان مهما كان شرير او مهما كان حقير الا ما تلاقي فيو نقطة بيضاء استغل نقطة الخير هاي وبدل ما هو ينزلك درجة انتي ارفعوا لعندك , صح حكيي يمكن يكون صعب ويمكن تحكولي انو في ناس وسخة وبتفهمش وجاهلة وفش عندها اسلوب , بس وحياتكو كل انسان الا ما يكون فيو صفة منيحة استغلوا هاي الصفة وجربوا فوتولو عن طريقها , روقوا يا جماعة وهدوا اعصابكوا وكلشي بالتفاهم والهدوء بنحل مفش ضرورة للمشاكل .. بكفينا ضحايا